Presidenti i Serbisë, Aleksandar Vuçiq ka thënë se Prishtina ka sjellë gjithkënd që ka mundur në Konferencën e Sigurisë në Munih.
Sipas mediumit serb “b92”, përcjell Telegrafi, ai u ka thënë gazetarëve serbë, gjatë një pauze të takimeve në margjinat e konferencës së sigurisë në Munih, se e ka takuar shkurt Enver Hoxhajn, por se aty janë edhe Hashim Thaçi dhe Ramush Haradinaj.
“Ata janë duke bërë një punë serioze, kanë këtu në Munih një konsull të jashtëzakonshëm, kanë sjellë të gjithë ata që kanë mundur, por dhe Hoxhajn, për shkak se e flet në mënyrë të përsosur gjuhën gjermane. Kjo nuk është për t’u nënvlerësuar… Ata thonë atë çfarë evropianët duan të dëgjojnë”, ka thënë Vuçiq.
Presidenti serb ka shtuar se sonte deri në orët e vona ka për të punuar në atë që është më e mira për të marrë nga Serbia në panelin e nesërm, në të cilin marrin pjesë bashkë me Hashim Thaçin.
“Ne do të themi, natyrisht, të vërtetën, por ne do të zgjedhim taktikat më të mira për Serbinë”, tha ai.
Ndryshe, gjatë qëndrimit në Munih, kryeministri Ramush Haradinaj është takuar edhe me Komisionerin për Zgjerim, Johannes Hahn.
Këtë e ka bërë të ditur vetë kryeministri Haradinaj, nëpërmjet një postimi në rrjetin social Facebook.
“Kosova është e përkushtuar që të jetë partnere kredibile e bashkëpunimit rajonal dhe fqinjësisë së mirë, gjithmonë, kur asaj nuk i mohohet e drejta për të vepruar si shtet i pavarur dhe sovran. Këtë ia thashë Komisionerit Evropian për Politika të Fqinjësisë dhe Negociata të Zgjerimit, Johannes Hahn me të cilin pata rastin të diskutoj, së bashku me Zëvendëskryeministrin Pacolli, në kuadër të Konferencës së Sigurisë në Mynih të Gjermanisë”, ka shkruar Haradinaj, transmeton Telegrafi.
Kryeministri i Kosovës gjatë takimit me Hahn, ka thënë se tarifat duhet të hiqen, por si kusht është njohja reciproke.
Haradinaj edhe një herë ka kërkuar liberalizimin e vizave për Kosovën.
Në Mynih po qëndron gjithashtu edhe presidenti i Kosovës, Hashim Thaçi.
Ndërsa duke folur rreth platformës së dialogut të hartuar nga Prishtina, presidenti i Serbisë, Aleksandar Vuçiq ka thënë se “Platforma shqiptare është kundër dialogut”.
“Ata thonë se – çdo gjë duhet të jetë në përputhje me kushtetutën e tyre, që duhet të ruhet, siç thonë ata, integriteti territorial dhe sovraniteti”, ka thënë ndër tjerash Vuçiq.
Vuçiq i është referuar platformës së hartuar nga ekipi negociator i Kosovës, e cila përcakton parimet dhe qëndrimin zyrtar të Republikës së Kosovës në procesin e dialogut.
Siç është bërë e ditur gjatë ditës, përmes saj synohet arritja e konsensusit sa më të gjerë politik dhe shoqëror në procesin e dialogut me Serbinë.
Veç kësaj, në këtë draft-dokument thuhet se qëllimi kryesor i Republikës së Kosovës është që nga Republika e Serbisë të sigurojë njohjen dhe pranimin e qartë të sovranitetit të Kosovës si shtet i pavarur, me zotime ligjërisht të detyrueshme.
Më tej, ndër tjerash thuhet se Marrëveshja përfundimtare, gjithëpërfshirëse dhe ligjërisht e detyrueshme duhet të jetë e qartë dhe pa dykuptimësi. /Telegrafi/
Promo
Reklamo këtuLufta Prigozhin - Putin
Më shumëBujar Osmani shpall fitore: Dallimi është mbi 40 mijë vota ndaj Taravarit
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Del rezultati përfundimtar në Bogovinë, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Del rezultati përfundimtar në Tearcë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert