Me moton “Kot flasim derisa ata na vrasin” përfundon protesta në Pejë – marshit paqësor pas vrasjes së Gjyljeta Ukelles i priu vajza e të ndjerës

E plotësuar: Me moton “Kot flasim derisa ata na vrasin”, është mbajtur protesta në Pejë në shenjë revolte ndaj vrasjes së Gjyljeta Ukellës, nga ku iu bë thirrje institucioneve shtetërore të drejtësisë për trajtim dhe përgjegjësi më të madhe ndaj rasteve të dhunës ndaj të gjitha grave.

Marshit paqësor i priu vajza e Gjyljeta Ukellës, e cila u vra të martën, ndërkaq dorasi dyshohet se është bashkëshorti i saj.

Vrasja e Gjyljeta Ukelles, protestës në Pejë po i prinë vajza e të ndjerës

Organizatat e shoqërisë civile në Pejë kanë nisur marshin protestues paqësore në shenjë revolte ndaj vrasjes së Gjyljeta Ukellës, nga bashkëshorti i saj me moton “Kot flasim, derisa ata vrasin”.

Marshi nisi në qendrën e qytetit për të vazhduar te objektet e Policisë, Gjykatës Themelore dhe Prokurorisë Themelore në Pejë.

Ndërkohë, Gjykata Themelore në Pejë ka caktuar masën e paraburgimit ndaj bashkëshortit Gjyljeta Ukella, i cili vrau të martën në mëngjes viktimën.

“Mosndëshkimi i këtyre rasteve është inkurajim i mëtejshëm!’, thuhet nga organizatori. Marshit i janë bashkuar edhe figura politike e institucionale lokale.

“Rasti i fundit tragjik i kësaj natyre i ndodhur sot në qytetin e Pejës iu shtua shifrave alarmante të viteve të fundit në vendin tonë.

“Vrasja e qëllimshme e grave dhe vajzave për shkak të gjinisë së tyre, është një krim i urryer që jo vetëm ua grabit jetën individëve, por gjithashtu u shkakton trauma të qëndrueshme familjeve dhe komuniteteve. Çdo femicid është një kujtesë e ashpër e dhunës dhe pabarazisë sistematike me bazë gjinore që vazhdon në shoqërinë tonë”, thuhet tutje.

Marshi protestues është organizuar nga Syri i Vizionit dhe organizatat tjera të shoqërisë civile në Pejë, të cilat janë shprehur thellësisht të trishtuara dhe të indinjuara nga rritja e rasteve të vrasjeve të qëllimshme të grave – femicidi. /Telegrafi/