Burri që dyshohet se qëlloi dhe vrau Charlie Kirk të mërkurën nuk po flet me hetuesit, thanë për CNN dy burime të njohura me çështjen.
Një burim tha se burri, Tyler Robinson, fillimisht po bisedonte me disa zbatues të ligjit, por shpejt heshtte pasi "u paraqit avokati" këtë mëngjes.
Nuk është e qartë se çfarë diskutoi me oficerët paraprakisht, transmeton Telegrafi.
Burri i dyshuar për vrasjen e Charlie Kirk po mbahet pa lirim me kusht në burgun e Qarkut të Utah, me urdhër të një gjyqtari shtetëror.
Sipas të dhënave gjyqësore të marra nga CNN, gjyqtari Shawn Rice Howell nënshkroi një urdhër për të mbajtur Tyler Robinson këtë mëngjes.
Dokumentet e gjykatës thonë se Robinson nuk ka dënime të mëparshme për kundërvajtje ose krime të rënda.
Robinson po mbahet nën disa akuza fillestare, duke përfshirë vrasje të rënduar, përdorim të armës së zjarrit dhe pengim të drejtësisë, por ende nuk është akuzuar zyrtarisht. /Telegrafi/
