0Shares

Gjykata Themelore Shkupi 2 ka sjellur vendim të pranojë padinë e Goran Stamenovskit, i cili paditi për mobing ish-kryetarin e Gjykatës Themelore Shkupi 1, Vlladimir Pançevski. Pançevski ka të drejtë ankese në Gjykatën e Apelit.

As paditësi Stamenovski, as avokati i Pançevskit, Dimitar Dangov nuk dhanë deklaratë për media, përcjell Telegrafi Maqedoni.

Gjykatësja Hilda Meshkova tha se pasi të përpunohet aktgjykimi, do të vendoset në sistem dhe do të publikohet për opinionin.

Ish-kryetari i Gjykatës Themelore Shkupi 1, Vlladimir Pançevski, vitin e kaluar në dhjetor u padit për mobing nga ish-udhëheqësi i departamentit për resurse njerëzore në gjykatë, Goran Stamenovski.

Sipas padisë, Pançevski një kohë të gjatë paditësin e ka urdhëruar të përmbushë praktika që nuk ekzistojnë në gjykatë dhe e ka ulur atë në pozita më të ulëta të punës./Telegrafi/

Të Ngjajshme
Shfaq Komentet (0)