Historia ka dëshmuar se askush nuk mund ta parashikojë saktë të ardhmen. Ndaj, në këtë aspekt gabimet janë njerëzore. Por, kur ato bëhen nga ekspertët që kanë dominuar një kohë, duken të pabesueshme e madje qesharake. Telegrafi më poshtë sjell disa nga vlerësimet e gabuara, për teknologjinë dhe të ardhmen.
• “Njeriu kurrë nuk do të arrijë në Hënë, pavarësisht të gjitha përparimeve shkencore në të ardhmen” – Dr Lee DeForest, shpikësi i televizionit.
• “Nuk ka asnjë shans që njeriu ta prekë fuqinë e atomit” – Robert Millikan, fitues i Çmimit Nobel për Fizikë, më 1923.
• “Kompjuterët në të ardhmen mund të peshojnë jo më shumë se 1.5 tonelata” – revista “Popular Mechanics” më 1949.
• “Mendoj se ka një treg botëror për ndoshta pesë kompjuterë” – Thomas Watson, kryetar i IBM-it, më 1943.
• “Kam lëvizë gjerë e gjatë vendit dhe kam biseduar me njerëzit më të mirë, ndaj mund t’ju siguroj se përpunimi i të dhënave është një modë që nuk do të zgjasë më shumë se një vit” – redaktori përgjegjës për librat ekonomikë në “Prentice Hall”, më 1957.
• “Por, cila është dobia” – një inxhinier në Sektorin e Sistemeve të Avancuara Llogaritëse në IBM, më 1968.
• “Ky ‘telefon’ ka shumë mangësi për t’u marrë seriozisht si mjet komunikimi. Pajisja nuk ka vlerë për ne” – një qarkore e brendshme e Western Union-it, më 1876.
• “Kutia e muzikës pa tela nuk ka asnjë vlerë tregtare. Kush do të paguante për një mesazh dërguar askujt në veçanti?” – bashkëpunëtorët e David Sarnoff-it në përgjigjen ndaj tentimeve të tij për të investuar në radio në vitet 1920.
• “Makinat fluturuese më të rënda se ajri janë të pamundura” – Lordi Kelvin, president i Shoqatës Mbretërore të Britanisë së Madhe, më 1895.
• “Kështu që, shkuam në ‘Atari’ dhe thamë: ‘Hej, e kemi këtë gjë të mahnitshme, madje e kemi punuar me disa nga pjesët tuaja, dhe a mendoni të na financoni? Apo t’ua japim juve. Thjesht duam ta bëni këtë. Na i jepni pagat dhe do të vijmë të punojmë për ju’. Ata thanë: ‘Jo’. Kështu që shkuam në Hewlett-Packard dhe ata thanë: ‘Hej, ne nuk kemi nevojë për ju. Ju nuk e keni mbaruar akoma fakultetin’” – themeluesi i Apple Computer Inc. Steve Jobs, për përpjekje për të nxitur interesimin e kompanive të mëdha për kompjuterin personal të bërë nga Steve Wozniak.
• “Shpuese për naftë? Do të thuash me shpu tokën e me gjete naftë? A je normal?” – përgjigja që merr Edwin L. Drake nga punëtorët që i kërkonte për të gjetur naftë më 1859.
• “Aeroplanët janë lodra interesante, por nuk kanë asnjë vlerë ushtarake” – Marechali Ferdinand Foch, profesor i Strategjisë në Shkollën e Lartë të Luftës.
• “Gjithçka që mund të zbulohet është zbuluar” – Charles H. Duell, komisionar i Zyrës amerikane të Patentave, më 1899.
• “Nuk ka arsye që dikush të dëshirojë kompjuter në shtëpi” – Ken Olson, president, themelues i kompanisë Digital Equipment Corp., më 1977. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert