Vjen reagimi i parë nga Rashford pas transferimit tek Aston Villa

Marcus Rashford ka finalizuar largimin nga Manchester United duke iu bashkuar Aston Villas si huazim, dhe tani ai folur për këtë transferim. 

Rashford ishte përjashtuar nga formacioni i United nga Ruben Amorim, pasi trajneri me sa duket nuk ishte i kënaqur me sjelljet e sulmuesit.

Tekniku portugez më pas vuri në dukje se reprezentuesi anglez nuk do të përfshihej në skuadër nëse nuk do të kishte një përmirësim të dukshëm në sjelljen dhe angazhimin e tij ndaj ekipit. 

Ndërkohë, Rashford vazhdoi të kërkojë mundësi për të larguar nga klubi gjatë afatit dimëror, qoftë si huazim ose si transferim i përhershëm. 

Lexo po ashtu Zyrtare: Marcus Rashford bëhet pjesë e Aston Villës

 Sulmuesi ishte lidhur ngushtë me Barcelonën, Borussia Dortmund dhe Milan, megjithatë, Aston Villa hyri në lojë në momentin e fundit për të nënshkruar me të në formë huazimi.  

Rashford tani ka folur për herë të parë që nga transferimi i tij në ‘West Midlands’ dhe ka lavdëruar Unai Emery. 

“Do të doja të falenderoja Manchester United dhe Aston Villa që e kanë bërë realitet këtë marrëveshje huazimi”. 

Lexo po ashtu Mesazhi brutal që Ruben Amorim i dha Rashfordit para se të transferohet tek Aston Villa

“Isha me fat që disa klube më kontaktuan mua, por Aston Villa ishte një vendim i lehtë. Me të vërtetë e admiroj mënyrën se si Aston Villa po luan këtë sezon dhe ambiciet e trajnerit”. 

“Unë vetëm dua të luajë futboll dhe jam i emocionuar të fillojë. I uroj të gjithëve tek Manchester United më të mirën për pjesën e mbetur të sezonit”, ka shkruar Rashford.