Kim Kardashian dhe Kanye West tani kanë një familje gjashtë anëtarëshe.
Ylli i reallity show-t "Keeping up eith the Kardashians", njoftoi përmes një statusi në rrjetin social Twitter, për ardhjen në jetë të fëmijës së saj të katërt të premten.
"Ai është këtu dhe është i përsosur!", ka shkruar ajo për 60 milionë ndjekësit e saj në rrjetet sociale.
Ndërkohë, në një status tjetër, Kim ka shkruar se fëmija i sapoardhur në jetë duket komplet si vajza e tretë, Chikago.
"Ai është gjithashtu binjaku i Chikagos. Jam e sigurt që ai do të ndryshojë shumë, por tani ai duket krejt si ajo", ka shkruar Kim në Twitter.
Fëmija i tyre i katërt erdhi në jetë përmes një nënse surrogate (zëvendësuese).
Zëvendësuesja e çiftit hyri në laboratorin e lindjes të enjten. Kardashian West konfirmoi në janar të këtij viti se ajo dhe Kanye po prisnin një djalë.
Çifti ka tre fëmijë: North, pesë vjeçe, Saint, tre vjeç dhe Chikago, një vjeçe.
Chikago u lind gjithashtu nëpërmjet një nëne zëvendësuese për shkak të komplikimeve të mëparshme të Kimit me shtatzëninë. /Telegrafi/
