Vitaminat për zogjtë

Në periudha sëmundjeje, riprodhimi apo ndërrimi të puplave, rekomandohet dhënia e vitaminave me pika.

Zogjtë kanë nevojë për vitamina; ato mund t’u jepen nëpërmjet ushqimit (fruta, perime, bimë, farëra…) ose në formën e pikave që u hidhen në ujin e pijshëm. Me përjashtim të rasteve të sëmundjes apo mungesave të rënda te vitaminave, vitaminat nuk u jepen nëpërmjet sqepit (me zogjtë e vegjël, një gjë e tillë është e vështirë dhe delikate).

Komplekset e vitaminave të zogjve përmbajnë vitamina të tjera pa vitaminën C, të cilat shpërbëhen më ngadalë në ujin e pijshëm (sidomos kur ai është mineral) dhe e ruajnë efektshmërinë e tyre. Megjithatë rekomandohet që uji të ndërrohet çdo ditë.Nuk ka një konsensus të përgjithshëm për vitaminat. Disa specialistë nuk rekomandojnë perime, por vetëm vitamina me pika të hedhura në ujin e pijshëm, gjë që i mbron nga sëmundjet, sidomos nga diarreja. Të tjerë specialistë nuk rekomandojnë ujin, por vetëm vitaminat e marra nëpërmjet ushqimeve, ndërsa të tjerë mbajnë qëndrim të mesëm: kurën me perime dhe vitamina. Megjithatë, në periudha sëmundjeje, riprodhimi apo ndërrimi të puplave, rekomandohet dhënia e vitaminave me pika.
/Telegrafi/