Vinicius zbulon këshillën që ia dha Zidane për t’u bërë njëri ndër lojtarët më të mirë në botë

Zinedine Zidane i ka thënë Vinicius Junior që të ndjekë gjurmët e dy lojtarëve të Real Madridit për ta ndihmuar atë të arrijë suksese.

Braziliani shijoi 12 muajt më të mirë të karrierës së tij profesionale, duke fituar La Ligan dhe Ligën e Kampionëve sezonin e kaluar, teksa u shpall lojtari më i mirë i ndeshjes në finalen e Ligës së Kampionëve ndaj Dortmundit.

Por, 24-vjeçari e humbi garën për t’u shpallur fitues i Topit të Artë 2024, pasi mesfushori i Manchester Cityt, Rodri, mori më shumë vota.

Shumica e bashkëlojtarëve të Vinicius përmes rrjeteve sociale shprehën përkrahjen e tyre për të duke dalë kundër vendimit të France Football.

Më herët gjatë vitit 2019, kur ai ishte vetëm 19-vjeçar dhe ishte në mesin e sezonit të tij në Spanjë, Vinicius ka zbuluar këshillën që Zidane i kishte dhënë atij për t’u bërë njëri prej lojtarëve më të mirë në botë.

“Zidane gjithmonë më thotë të jem i qetë dhe të vazhdoj të rritem sepse nëse e bëj këtë, dhe sepse jam trajtuar shumë mirë nga të gjithë, ai thotë se do të luajë aty për një kohë të gjatë”.

“Pak a shumë si Marcelo dhe Casemiro, të cilët kanë qenë aty për një kohë të gjatë”, ka thënë Vinicius.

Kampioni në fuqi i Ligës së Kampionëve ka humbur dy nga katër ndeshjet e tyre të fundit në fazën e grupeve ndaj Lille dhe së fundmi Milan, teksa kanë vetëm gjashtë pikë.

Në La Liga, Reali tashmë është nëntë pikë mbrapa liderit Barcelonës me një ndeshje më pak të luajtur, ndërsa kanë humbur 4-0 në ‘El Clasico’ e cila u luajt në ‘Santiago Bernabeu’ muajin e kaluar./Telegrafi/