Sipas raportimeve, punimet e ndërtimit në rezidencën e Cristiano Ronaldos në "përmasat spitalore" pranë Lisbonës janë një vit prapa planit.
Siç raportohet nga ElDesmarque, Ronaldo dhe partnerja e tij Georgina Rodriguez kanë zemëruar gjithashtu fqinjët duke kryer punë në pronën prej 28 milionë funte (32.6 milionë euro), e cila ka vazhduar për më shumë se tre vjet.
Për shkak të popullaritetit të Ronaldos, disa media dhe YouTubers kanë krijuar përmbajtje rreth rezidencës, që do të thotë se vendndodhja e saj është e njohur për publikun portugez.
Si rezultat, legjenda e Real Madrid dhe Manchester United, i cili aktualisht po luan për klubin e Arabisë Saudite Al-Nassr , ka shqetësime në lidhje me privatësinë e tij.
Një video nga muaji i kaluar tregoi se ka ende shumë punë për të bërë në rezidencën, e cila i ngjante një kantieri ndërtimi në atë kohë.
Parashikohet që kur të dalë në pension, Ronaldo dhe familja e tij do të kalojnë kohën mes Madridit dhe Lisbonës.
Por, fqinjët e yllit të futbollit tashmë janë 'ngopur' me punimet në projektin e vilës super luksoze.
"Jemi ngopur. Ata kanë ndërtuar për tre vjet. Shtëpia është aq e madhe sa duket si një spital. Rruga ime është mbyllur prej muajsh, kopshti im është plot pluhur", ka thënë një prej tyre.
Rezidenca e Ronaldos do të përfshijë një pishinë gjigante prej xhami me një vendkalim nënujor.
Projekti fillimisht pritej të kushtonte 10 milionë funte (11.6 milionë euro), por çmimi më pas u rrit në 17 milionë funte (19.7 milionë euro) dhe më pas në 28 milionë funte.
Një klub golfi pranë rezidencës duhej të zhvendosej, gjë që është një faktor pas rritjes së kostove.
Ronaldo dëshiron një dhomë gjumi master me përmasa 1000 metra katrorë.
Ylli portugez, i cili e filloi karrierën e tij në Sporting Lisbonës, u transferua te Al-Nassr në janar pas largimit të tij nga Manchester United.
Ronaldo gjithashtu zotëron një vilë luksoze në Torino, Itali që nga koha e tij në Juventus, si dhe një rezidencë prej 4.8 milionë funtesh (5.5 milionë euro) në një pasuri të fortesë të quajtur La Finca afër Madridit.
Ai gjithashtu zotëron një bllok apartamentesh shtatëkatëshe në Funchal, Madeira. /Telegrafi/
