Mbrojtësit e rendit në një bregdet në Somerset të Anglisë, shkuan të kontrollonin nëse në një veturë të përfshirë nga uji, kishte ndonjë njeri.

Për fat të mirë, brenda nuk ishte askush, pasi që atë e kishte parkuar pronari në plazh dhe ishte larguar, pa e llogaritur baticën e detit që mund ta mbulonte në tërësi, transmeton Telegrafi.

Ashtu edhe i ndodhi makinës së tij, që i shihej vetëm tavani, ndërsa pronari shikonte na largësia, në pamundësi ta largonte.

“Vetura është lënë aty, derisa është tërhequr uji, pastaj u intervenua për ta larguar me makinën për tërheqje” thuhet në raportin e policisë.

Raportohet se vetura nuk është provuar të ndizej, ndërsa u dërgua për kontrollet e domosdoshme, ndërsa nuk dihet niveli i dëmit që ka pësuar. /Telegrafi/