Çdo njeri që lind dhe jeton në këtë glob që ne e quajmë tokë, ka natyrshmërisht vlerësimin, gjykimin, analizën dhe përshtatjen mbi çka atë e rrethon dhe që përbën një pjesë të realitetit individual. Çdokush ka të drejtën të gjykojë dhe të shprehë gjykimin dhe opinionin e vet mbi atë çka ai sheh, dëgjon, nuhat dhe percepton.
Kjo e drejtë njerëzore, që askujt nuk mund t’ia mohojë askush, më krijon edhe mua avantazhin që të them, të shpreh, të deklaroj, duke pasur dëshirën dhe ambicien që zëri im të dëgjohet te kushdo që do të ketë fatin dhe mundësinë të më dëgjojë nëpërmjet së zezës mbi të bardhë. Besoj dhe mendoj që asnjë sistem politik dhe ekonomik, nuk ka mundur të plotësojë të gjitha aspiratat njerëzore për një mirëqënie të pranueshme, të lavdërueshme dhe ideale.
Idealja është vështirë të arrihet. Idealja ekziston, ndoshta vetëm në dëshirat tona, duke qenë të bindur dhe të dëshpëruar se nuk do të mund t’ia arrijmë dot kurrë. Por, a mund të na pengojë kjo gjë për t’u përpjekur të gjithë së bashku, për të luftuar nëpërmjet mendimit tonë njerëzor drejt kësaj të ardhmeje të lumtur njerëzore?! Unë mendoj që jo. Shumë “teoricienë” propagandojnë teorinë që ky sistem kapitalistë, nuk është i përkryer, por është më i miri i mundshëm për momentin.
Historia njerëzore ka kaluar shumë momente. Të tëra momentet nuk kanë kaluar nëpërmjet paqes dhe dakordësisë. Edhe momenti i sotëm shpresoj t’u ngjajë momenteve të kaluara. Ata që thonë se është sistemi kapitalist më i miri i mundshmi, sepse nuk kemi akoma një sistem më të mirë se ky. Gabojnë ose gënjejnë me vetëdije. Sistemet i krijojnë njerëzit dhe i mbështesin, i inkurajojnë dhe i mbajnë në këmbë ata që janë të interesuarit kryesorë për këtë lloj sistemi.
Në gjykimin tim, partitë politike, kudo qofshin në këtë planet, janë e keqja më e madhe e shoqërisë njerëzore. Partitë, sipas të thënave, janë një grupim vullnetar njerëzish që përfaqësojnë një ideologji të caktuar, ideologji e cila shumë rrallë pasqyrohet në aktivitetin politik të asaj partie. Synimi i çdo partie politike është marrja e pushtetit ekonomik. Nëpërmjet frazeologjive politike, deklaratave partiake, premtimeve elektorale, çdo parti synon të përfitojë reputacion politik, për ta shndërruar atë në interesa ekonomikë.
Popujt e dinë këtë, por bëjnë sikur nuk e dinë duke menduar që alternativa që ata mendojnë që duhet votuar, do t’i sjellë një të mirë me tepër vetë atyre. Populli e di që udhëhiqet nga matrapazët, mashtrues, demagogë, të pafytyrë dhe më keq akoma dhe nga kriminelë, por përsëri voton për ta, sepse nuk ka alternativa të tjera. Duhet ndryshuar alternativa. Duhen zhdukur partitë politike dhe institucionet e krijuara nga këto parti dhe të vendoset në krye të udhëheqjes së çdo kombi një grup specialistësh idealistë, një grup idealistësh specialistë që mundësisht të kontribuojnë për të mirën e përgjithshme të popullit të tyre, pa pasur asnjë përfitim material.
Mendoj që Shqipëria ka boll nga këta burra dhe gra që do të mund ta drejtojnë Shqipërinë, do të mund ta begatojnë Shqipërinë me të mirat që i ka dhuruar Zoti dhe do të mund të përjashtojnë nga udhëheqjet dhe dominimi i asaj pakice që mendon dhe vepron nisur vetëm nga interesi i vet personal. Jam i bindur, megjithëse nuk besoj që do të mund ta jetoj, një të ardhme njerëzore ku njerëzit që jetojnë në këtë planet të mrekullueshëm, të mund të bashkëveprojnë për të zgjidhur, për t’u marrë vesh dhe për të bashkëpunuar në të mirë të çdo qenieje njerëzore.
Promo
Reklamo këtuLufta Prigozhin - Putin
Më shumë“Hakmarrja” e Izraelit ndaj Iranit – të gjitha zhvillimet, minutë pas minute
Kush është vajza biznismene që po pushton tregun muzikor?
Ministri ekstremist izraelit e përshkruan me një fjalë sulmin e Izraelit ndaj Iranit
Izraeli sulmon Iranin me raketa
Cristiano Ronaldo bëri një gabim shumë të madh kur parashikoi tre favoritët për Ligën e Kampionëve
Ronald Reagani e shpëtoi Izraelin nga sulmi i Iranit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi