0Shares

Kryetari i Kuvendit të Kosovës, Kadri Veseli, ka uruar Maqedoninë për votimin për ndryshim të emrit.

Ai përmes një postimi në faqen e tij në Facebook, shkruan se ky vendim zhbllokon rrugën e integrimeve për Maqedoninë dhe rajonin, njofton Telegrafi Maqedoni.

“Urimet më të mira për votën historike që kolegët e mi në Shkup sapo kanë dhënë për të ratifikuar marrëveshjen e Prespës. Ky vendim zhbllokon njëherë e mirë rrugën e integrimeve për shtetin mik tonin dhe përshpejton anëtarësimin në NATO dhe BE, jo vetëm të Maqedonisë por të mbarë rajonit tonë”.

Miratohen ndryshimet kushtetuese, 81 deputetë votuan “për” Maqedoninë e Veriut Miratohen ndryshimet kushtetuese, 81 deputetë votuan “për” Maqedoninë e Veriut

“Nëpërmjet kësaj vote konsolidohet paqja dhe stabiliteti në mbarë rajonin dhe dëshmohet edhe njëherë se dialogu e mirëkuptimi është mënyra më e mirë për të zgjidhur problemet e trashëguara nga e kaluara. Edhe njëherë vota e bashkombasve tanë u dëshmua vendimtare për këtë rrugëtim prandaj merita e mirënjohje të veçantë iu takon deputetëve shqiptarë që e shtynë përpara këtë proces”, ka shkruar Veseli.

Ndryshe, sot me 81 vota “për” deputetët e Kuvendit të Maqedonisë miratuan ndryshimet kushtetuese, në pajtim me marrëveshjen me Greqinë që u nënshkrua në Prespë./Telegrafi/

Të Ngjajshme
Shfaq Komentet (0)