Kryetari i Kuvendit të Kosovës, Kadri Veseli ka pritur në një takim një grup studentësh të të gjitha universiteteve publike.

Veseli në një postim të tij, në rrjetin social Facebook ka shkruar se studentët kanë treguar mbështetje për iniciativën e tij për zbardhjen e krimeve të gjenocidit serb dhe vënien e kriminelëve përpara drejtësisë ndërkombëtare.

Sipas tij, bashkëbisedimi me të rinjtë është gjithmonë frymëzues dhe produktiv.

“Pata kënaqësinë të pres në takim një grup studentësh përfaqësues të të gjitha universiteteve tona publike. I falënderova për mbështetjen që treguan për iniciativën time për zbardhjen e krimeve të gjenocidit serb dhe vënien e kriminelëve përpara drejtësisë ndërkombëtare. Bashkëbisedimi me të rinjtë gjithmonë është frymëzues dhe produktiv. Kosova ka ecur përpara, çdo herë që të rinjtë kanë marrë rolin që natyrshëm u takon: rolin e transformimit dhe zhvillimit”, ka shkruar në Facebook, Kadri Veseli. /Telegrafi/