Veseli: Ftoj partitë parlamentare ta mbështesin iniciativën për Tribunalin, pa kalkulime politike
Procesi zgjedhor në Partinë Demokratike të Kosovës, ka qenë proces reformator edhe për vendin, sepse energjitë e reja janë të orientuara për Kosovën Perëndimore, me një koncept që ofron mundësi për të gjithë. Kështu ka thënë kryetari i PDK-së, Kadri Veseli, para strukturave të reja të PDK-së Kamenicë.
Veseli ka theksuar se rreth konceptit të Dekadës së Re, janë bashkuar qytetarë të moshave e profesioneve të ndryshme, gra e burra, djem e vajza të reja, njerëz me ide inovative, e të cilët sikurse në krejt Kosovën, mund të sjellin ndryshime edhe për Kamenicën.
Kreu i PDK-së ka thënë se Kamenicës i duhet përkrahje e ide, duke kërkuar nga strukturat e PDK-së që këtë mesazh ta përçojnë tutje tek çdo qytetar.
“Me këtë përkushtim e angazhim të PDK-së, Kamenica do të jetë fitimtare. Kamenicës i duhet bashkëpunimi, ofrimi me njëri-tjetrin i atyre që janë të vendosur në rrugën për të mirën e vendit. Ne si parti jemi të vendosur të ndjekim këtë rrugë, pa kalkuluar për vota siç mund të bëjnë të tjerët, sepse para vetes e para së gjithash kemi mision të shenjtë kombëtar, e kësisoj do të marim vendime, për të kaluarën por edhe për të ardhmen. Kamenica nuk mund të vazhdoj kështu duke u mashtruar qytetarët me improvizime në qeverisje sepse kështu vetëm do të dëmtohet edhe më shumë. Kamenica ka nevojë për një vizion të qartë që e ka Dekada e Re për ta kthyer atë në komunë ku qytetarët gjejnë perspektivë për të jetuar e jo sikur tani, për të ikur prej saj”, tha Veseli.
“Kosova ka resurse të jashtëzakonshme. Resurset ekonomike dhe humane nuk janë shfrytëzuar sa duhet as në Kamenicë dhe askund në Kosovë dhe nëse ecim me këtë vizion dhe vendosmëri, shumë shpejt mund të ndodhin ndryshime pozitive në ekonominë e Kosovës. Po flas për një vizion, për një koncept për qytetarin dhe me besim në njëri-tjetrin mund ta ndërtojmë shtetin. Kamenica ka resurse, merrni njerëzit nëpër lagje, fshatra e qytete, ofroni djem të rinj e vajza të reja, zhvilloni konceptin tonë dhe bëjeni këtë për të mirën e Kamenicës dhe jo veç të PDK-së”, tha Veseli.
Tutje, kreu i PDK-së ka folur edhe rreth iniciativës së tij për Tribunalin për Krimet e Serbisë në Kosovë.
Ai ftoi të gjitha partitë parlamentare ta mbështesin iniciativën për Tribunalin e mos të bën në kalkulime politike sepse siç tha ai, Tribunali nuk është çështje e hakmarrjes por çështje e së drejtës sonë, kurse dënimi i kriminelëve i hap rrugë një epoke të re.
Kryetari i Degës së PDK-së në Kamenicë, Bajram Dermaku, ka thënë se edhe në këtë qytet ka pasur një proces zgjedhor shumë demokratik. Ai tha se menjëherë pas zgjedhjeve të brendshme kanë nisur punën dhe aktivitetet me strukturat e zgjedhura të partisë, duke shprehur bindjen se PDK-ja në Kamenicë do të jetë akoma më e fuqishme dhe se do të punojnë shumë që kjo parti në zgjedhjet e ardhshme ta qeverisë Komunën e Kamenicës e cila aktualisht ndodhet në gjendje të rëndë si rezultat i mungesës së vizionit të qartë qeverisës.
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City