Vepra arti prej guri shfaqen rreth liqenit në Angli, mbetet mister artisti që i krijoi

Veprat artistike të mistershme të cilat janë shfaqur në një pjesë të “Lake District” i kanë bërë admiruesit  të mendojnë se kush i krijoi ato.

Një krijim rrethor, i cili tregon pamjet e Luginës së Borrowdale, mendohet të jetë krijuar nga pllaka lokale në zonë.

Fotografi Carl Halliday bëri një foto të veprës, e cila ka fituar shumë vëmendje në internet.

Salla lokale e fshatit e ka quajtur atë punë e “Borrowdale Banksy” sepse askush nuk e di se kush qëndronte pas saj.

BBC nuk po e thotë saktësisht se ku janë veprat e artit pasi disa pjesë të terrenit mund të jenë të rrezikshme për vizitorët fillestarë.

Autoriteti i Parkut Kombëtar të Lake District, i cili administron zonën, tha se artisti përgjegjës “mbetet një mister”.

Skulptori me bazë në Windermere, Shawn Williamson, i cili nuk ishte përgjegjës për strukturat, i përshkroi ato si  “gjakun e jetës ose thelbin e Liqeneve”.

Ai  tha: “Është ndërtuar nga copa të mëdha të pllakave në një hark që krijon peizazhin dhe ka pasur artistë të ndryshëm në të kaluarën që kanë krijuar vepra të ngjashme – secili është unik në mënyrën e vet.”

Disa vepra, duke përfshirë harqe, janë vërejtur nga alpinistë dhe kalimtarë me përvojë në kodra.

“Është vërtet shfrytëzimi i mënyrave të shkollës së vjetër për të përhapur fjalën e dikujt që dëshiron të na tregojë se çfarë mund të bëjnë,” shtoi Willamson. /oranews/