Vëmendje! Këto gjashtë trende po bëjnë namin në kryeqytetin italian të modës, Milano

Kryeqyteti italian i modës është i njohur për ofrimin e një game të pafund frymëzimi stili

Ndërkohë që ne monitorojmë me vëmendje atë që po ndodh nëpër rrugët e Milanos gjatë Javës së Modës çdo shkurt dhe shtator, qyteti vazhdon ‘të përmbytet’ me kombinime krijuese të veshjeve më të fundit. Kjo do të thotë se injorimi i asaj që italianët kanë veshur këto ditët e fundit do të ishte një krim i rëndë.

Kjo do të thotë se njerëzit në Milano janë goxha intrigues me tendencat që veshin dhe priren t’i stilojnë ato në mënyra elegante.

Më poshtë, shikoni gjashtë trende të stilit të rrugës që po dallojnë më shumë në kryeqytetin e modës tani.

1. Këpucët friulane

“Friulane janë këpucët më të veshura nga milanezët,” konfirmojnë stilistët, “dhe nuk dalin kurrë nga moda. Shumëngjyrëshe dhe të gjithanshme, ato janë një domosdoshmëri dhe ne i shikojmë ato veçanërisht elegante kur ato janë gjithashtu të veshura si këpucë të sheshta për në mbrëmje.” Edhe nëse nuk e keni dëgjuar më parë termin, patjetër që i keni parë këpucët. Ato janë një lloj pantoflash tradicionale veneciane me thembra gome të sipërme prej kadifeje.

2. Funde të gjata

Kur mendojmë për modën e Milanos, mendojmë për elegancën. Për momentin, kjo do të thotë të stiloni funde të gjata me copa si xhaketa sportive, dy kombinime që janë shumë të bukura dhe që mund të dallohen tek gratë italiane në të 20-at dhe të 70-at e tyre.

3. Xhaketa kafe

Stili italian është përgjithësisht i njohur për të qepjet unike, që do të thotë se gjithmonë do të gjeni elementë të caktuar në dollapin e një italiani si një xhaketë sportive ose pallto të personalizuara. Si i veshin ata palltot e tyre tani? Në nuanca të pasura me çokollatë dhe ngjyrë kafe të arrave, qoftë kjo një xhaketë sportive kamoshi apo një pallto klasike leshi.

4. Çanta kamoshi

Ndërsa ka tendenca të caktuara që priren të kufizohen në një qytet apo vend të caktuar, çantat prej kamoshi janë një nga artikujt më të mirë të vjeshtës dhe dimrit që po shfaqen qartë globalisht. Ashtu si në rrugët e New York-ut, kamoshi së fundmi është po aq i ‘shfrenuar’ nëpër lagjet më moderne të Milanos, citon Anabel.

5. Atlete shumëngjyrëshe

Një gjë që stili milanez nuk mund të jetë kurrë? I mërzitshëm. Italianët në kryeqytetin e modës kanë gjithmonë një element që bie në sy në pamjen e tyre dhe tani për tani ata po kërkojnë një palë atlete të ndezura për të shtuar një ngjyrë të ndezur. Adidas Gazelle janë atletet që dallohen më së shumti për momentin dhe është shumë e zakonshme që milanezët të kombinojnë disa trende së bashku, si stilimi i një xhakete sportive me një palë atlete me ngjyra apo çizmet kauboj me një fund xhins të gjatë.

6. Xhinse të gjera

Nuk ndodh shpesh që italianët veshin xhins, por kur e bëjnë, është gjithmonë në një mënyrë shumë përparimtare. Xhinset e gjera janë padiskutim look i pagabueshëm, të cilit njerëzit në Milano pëlqejnë t’i stilojnë me sheshka baleti për një dozë të shtuar të hijeshisë. /Telegrafi/