Veç pse nuk vepruan siç donte ai, Nexhmedin Spahiu fyen e shan me nënë anëtarët e Këshillit të Mediave (+18)

Këshilli i Mediave të Shkruara të Kosovës, në mbledhjen e mbajtur më 25 tetor, kishte shqyrtuar edhe ankesën e drejtorit të TV Mitrovica, Nexhmedin Spahiut, ndaj artikullit “Nexhmedin Spahiu shegerti i H. Thaçit e B. Rexhepit, pallavragjiu manipulator” të botuar në Bota Sot, e që në fakt ishte opinion.

Në këtë opinion të Afrim Musliut, thuhet se Spahiu kishte marrë licencën për TV me ndihmën e kreut të dikurshëm të Partisë Demokratike të Kosovës, Hashim Thaçit.

“Ardumenti i i ketij shkimi eshte supozimi i autorit se Rimarrja e licenses per TV Mitrovicen na qenka bere pas nje kompromisi te fshehte te bere me Hashim Thacin. Dokumentin qe po e atachoj ketu tregon se rikthimi i licences eshte bere pas nje procesi gjyqesor qe e kam fituar prane pamelit te OKB per te drejtat e njeriut. Kerkoj nga gazeta Bota Sot qe te me kerkoj falje duke pergenjeshtrur dhe sqaruar se Licensa eshte rimarre me procedure gjyqesoree ne Panelin e OKB. Dhe kjo kerkim falje te zeje aq vend sa ka zere gjithe artikulli ne fjale. Po ashtu kerkoj qe vendimi i KMSHK t’u dergohet gjithe mediave tjera” (sic.), thuhet në ankesën e Spahiut drejtuar Këshillit të Mediave.

Përgjigja e Këshillit – pjesë e të cilit janë mediat kryesore të shkruara të Kosovës – ishte kjo: “Pasi shqyrtoi ankesën e Nexhmedin Spahiut, drejtor i TV Mitrovica kundër gazetës Bota Sot lidhur me një artikull ku flitet për kinse rimarrjen e licensës për TV Mitrovica ‘me lidhje’ me Hashim Thaçin, KMShK kishte para vetes mendimin e Panelit Këshillëdhënës të UNMIK-ut të datës 26.11.2010 për të Drejtat e Njeriut, me anë të të cilin z. Spahiut iu kthye e drejta e veprimit të mediumit të tij. Por, meqenëse sipas Kodit aktual të KMShK-së opinionet e redaksisë, siç është edhe ky shkrim, vazhdojnë të konsiderohen qëndrime personale dhe jo lajme, kjo ankesë nuk u miratua”.

Ky vendim, pra se nuk është miratuar ankesa, i është dërguar edhe Spahiut, i cili e kthen reagimin në mënyrën më vulgare të mundshme!

“Shkoni bre n’pidh t”s’ames. Ua qifte qeni nanen te 11 anëtarëve me rend. Ju lutem percjellani 11 anetareve kete opinion timin per nanat e tyre kurva” (sic.), thuhet në përgjigjen e Spahiut drejtuar Këshillit. /Telegrafi/