LAJMI I FUNDIT:

Vdes Milos Forman

Vdes Milos Forman

Regjisori çek, Milos Forman, ka vdekur në moshën 86-vjeçare, ka njoftuar agjencia çeke e lajmeve, CTK.

Forman ka fituar çmim Oscar për klasikët, “Fluturimi mbi folenë e qyqes” dhe “Amadeusi”.

Ai ka ndërruar jetë të premten në Shtetet e Bashkuara, pas një sëmundje të shkurtër, ka njoftuar gruaja e tij Martina.

“Ai ka vdekur në qetësi derisa ka qenë i rrethuar tërë kohën nga familja dhe miqtë e tij”, ka thënë ajo.

Forman është shpërngulur në Shtetet e Bashkuara në periudhën e komunizmit në Çeki, duke pranuar më pas shtetësinë amerikane.

Dy filmat e sipërpërmendur kanë fituar 13 çmime Oscar, duke përfshirë edhe atë për regjinë më të mirë. /REL/