Vdes edhe personi i dytë nga aksidenti i automjetit me tren në Klinë

Ka ndërruar jetë edhe një person pas aksidentit të sotëm, që ka ndodhur në fshatin Dush të Klinës, kur treni ka goditur një automjet “Mercedes”.

Si pasojë e aksidentit të sotëm në vendin e ngjarjes ka ndërruar jetë një femër 38 vjeçare, ndërsa para pak çastesh ka ndërruar jetë edhe një tjetër femër rreth moshës 50 vjeçare, që ishte duke u trajtuar në QKUK.

Zëdhënësi i Policisë së Kosovës për Rajonin e Pejës, Xhevat Ibraj ka thënë se aksidenti ka ndodhur në ora 18:48 në fshatin Dush të Klinës, në vendkalimin e trenit, treni është ndeshur me një automjet “Mercedes”, i cili ka pasur disa udhëtarë brenda, ku gjashtë nga ta janë lënduar.

Lexo po ashtu Aksident i rëndë në Klinë, treni godet veturën- vdes gruaja 39 vjeçare

“Fillimisht u është dhënë ndihma e parë në Qendrën e Mjekësisë në Klinë dhe pastaj janë ndërguar në Qendrën e Shëndetësore në Pejë, ku është konstatuar vdekja e një femre e moshës 39 vjeçare. Për shkak të gjendjes së rëndë dy fëmijë, një vajzë dhe një djalë, janë dërguar në QKUK, njëri është 7 vjeçar dhe 5 vjeçar”, ka thënë Ibraj. /Telegrafi/