Vazhdon greva e Qendrës Shtetërore të Provimeve në RMV, kërkojnë rritje të pagave

Lidhja e Sindikatave të Maqedonisë ka mbështetur protestën e punonjësve të Qendrës Shtetërore të Provimeve (QSHP) të cilët prej më shumë se gjashtë muajsh kërkojnë rritje të pagave për 25 përqind dhe ndryshim të kontratës kolektive.

“Revolta e kolegëve tanë është e justifikuar. Premtimet e institucioneve në të kaluarën nuk janë realizuar dhe tani po i bindin që të presin ligjin e ri për nëpunësit administrativë, që do të thotë që pagat e tyre të mos rriten më në mars. Manipulimi është joserioz nga përfaqësuesit e qeverisë. Numri i vogël i njerëzve të punësuar këtu mund të bëhet problem në arsim”, tha Trendafilov nga Lidhja e Sindikatae.

Një përgjigje e fundit nga Ministria e Financave ka ofruar zgjidhje sistematike, por është planifikuar që punonjësit të presin deri në mars të vitit 2024 për të parë ndonjë ndryshim. QSHP ka reaguar duke theksuar se manipulimi dhe mungesa e transparencës në lidhje me ligjin e ri për nëpunësit administrativë po shqetësojnë punonjësit.

“Me atë rritje prej 10 për qind, rrogat tona ishin nën 30 mijë, tani janë 30 mijë paga e këshilltarëve. Mësimdhënësi fillestar, nuk është i njëjti nivel si këshilltar në Qendrën Shtetërore të Provimeve, por është një nivel më poshtë, bashkëpunëtor i lartë do të ishte niveli, ka 35.000 denarë. Ai mësues fiton të drejtën e licencës për të dhënë provim përpara punonjësve dhe këshilltarëve të QSHP. Personi që vlerëson nëse mësuesi është i aftë ka pagë më të ulët se ai”, sqaroi QSHP, duke shtuar se në këta shtatë muaj kanë marrë K-15, të cilin nuk e kemi pasur kurrë më parë.

Me grevën në vazhdim, provimet profesionale për mësimdhënësit praktikantë dhe bashkëpunëtorët profesional janë ndërprerë, ndërsa 700 kandidatë do të kenë nevojë të presin për seancën e radhës.

Gjithashtu, nëse nuk arrihet marrëveshje për pagat, dhënia e provimit shtetëror të maturës mund të vihet në pikëpyetje për këtë vit. /Telegrafi/