Vazhdon dita e gjashtë e fushatës zgjedhore

Kanë mbetur edhe një javë ku partitë politike do të mund të shpalosin para elektoratit të tyre programin qeverisës.

Sot në ditën e gjashtë të fushatës parazgjedhore partitë politike do të vazhdojnë me tubimet nëpër komunat e Kosovës.

Fushata e nisur gjashtë ditë më parë përfundon më 4 tetor, kurse 5 tetori është heshtje zgjedhore e cila përfundon me mbylljen e qendrave të votimit të dielën në mbrëmje.

Në zgjedhjet e 6 tetorit, garojnë 25 subjekte politike, ndërsa numri i qytetarëve të cilët kanë të drejtë vote është 1,937,869.

Më poshtë agjenda e partive politike:

– Lëvizja Vetëvendosje mban tubim elektoral në Malishevë. (Shtëpia e Kulturës “Tahir Sinani” Malishevë, ora 12:00)

– Kandidatja e LDK-së për Kryeministre, Dr. Vjosa Osmani, bën homazhe te Kompleksi Memorial, afër Komunës së Hani Elezit. (Hani i Elezit, ora 15:00)

– Kandidatja e LDK-së për Kryeministre, Dr. Vjosa Osmani merr pjesë në tubimin elektoral në Kaçanik. (Shtëpinë e Kulturës “Xheladin Kurtaj” në Kaçanik, ora 15:30)

– Lëvizja Vetëvendosje mban tubim elektoral në Deçan. (Shtëpia e Kulturës “Jusuf Gërvalla” Deçan, ora 17:00)

-Kandidatja e LDK-së për Kryeministre, Dr. Vjosa Osmani merr pjesë në tubimin elektoral në Ferizaj. (Salla e sporteve “Bill Clinton” në Ferizaj, ora 17:00)

– Lëvizja Vetëvendosje mban tubim elektoral në Gjilan. (Salla e Sporteve “Bashkim Selishta-Petriti” Gjilan, ora 18:00)

– Kandidatja e LDK-së për Kryeministre, Dr. Vjosa Osmani merr pjesë në tubimin elektoral në Lipjan. (Sheshi “Adem Jashari” në Lipjan, ora 18:00)

– Kandidati për kryeministër të Kosovës nga koalicioni NISMA-AKR-PD, Fatmir Limaj do të merr pjesë në tubimin elektoral në Malishevë. (Palestra e Sporteve “Habib Zogaj “ në Malishevë, ora 18:00). /Telegrafi/