Vazhdojnë tensionet mes motrave Kardashian, Kourtney e quan Kimin shtrigë dhe i thotë se e urren

Ende ekzistojnë tensione mes Kim Kardashian dhe motrës së saj, Kourtney Kardashian Barker, në sezonin e ri të “The Kardashians” – siç konfirmohet nga një trailer – në të cilin Kourtney e quan atë një shtrigë dhe i thotë se e urren.

Në trailerin e ri për sezonin e katërt të serialit që transmetohet në Hulu, Kourtney pranon se kishte shumë tension duke shtuar është vërtet e vështirë të shikosh njerëzit duke folur për ty dhe se nuk ndihet se e kuptojnë.

Më pas, videoja shfaq Kimin në telefon duke i kërkuar përgjigje motrës së saj për situatën aktuale familjare, duke pyetur se a është e lumtur dhe se është një person tjetër që i urren anëtarët e familjes së saj.

Lexo po ashtu Rikthehet sezoni i tretë i “The Kardashians” - Kim shfaqet duke qarë në ‘trailer’

Kourtney u përgjigj se ajo ‘po i hidhte benzinë zjarrit’ dhe u kërkon të tjerëve të mbajnë anë duke u shfaqur e emocionuar dhe duke e quajtur motrën e saj të famshme një shtrigë dhe i thotë se e urren.

Në vijim të klipit, Khloe deklaron gjatë një rrëfimi se këto gjëra mund të rregullohen dhe se nuk do ta thyejnë klanin Kardashian/Jenner.

Kur nëna e tyre Kris Jenner mëson për grindjen e vazhdueshme të vajzave të saj, shfaqet e shqetësuar në trailer: “Unë as nuk flas më për këtë. Familja është gjëja më e rëndësishme në jetën time dhe është përgjegjësia ime të sigurohem që ta mbaj familjen time të bashkuar”. /Telegrafi/