Vazhdojnë polemikat në Babastars, Albert Krasniqi fshinë Getin dhe Cozyn nga Instagrami, por jo Majkun e Skivin (Foto)

Po vazhdojnë polemikat në hip hop labelin Babastars, me një prej miqve më të afët të tyre, Albert Krasniqin.

Dikur, një prej miqve më të afërt të Babastars, Albert Krasniqi, i cili ishte përfshirë në incidentin me Noizyn duke e plagosur këtë të fundit, ka ndërmarrë hap kundër antarëve të ‘labelit’.

Zhgënjimi i tij duket se ka kulmuar me reperin Cozman, të cilin e ka larguar nga rrjetet sociale dhe po ashtu ka ndërprerë edhe kontaktin me të, gjë të cilën e ka bërë edhe me Getoar Selimin. Vetëm muaj më parë Alberti ishte në dasmën e Getit, kurse me Cozmanin shoqërohej vazhdimisht, madje edhe u përfshi me të në konfliktin me 15 antarët e labelit OTR në Prishtinë.

Mirëpo, Alberti nuk ka bërë të njëjtin veprim me antarët tjerë si Skivin dhe Onatin, të cilët si duket do të vazhdojë t’i mbajë në raporte miqësore.

Një tjetër postim që ka bërë Alberti po ashtu aludon se ai ndihet i tradhtuar nga shokët e tij të Babastars me të cilët edhe u përfshi në incident me Noizyn.

“Disa njerëz nuk janë ata që thonë se janë. Jeni të kujdesshëm në shoqërinë e kujt jeni”, ka postuar Alberti në InstaStory.

Një ditë pasi Alberti doli publikisht me bisedën e tij me Getoar Selimin ku mbronte antarët tjerë të ‘labelit’ nga siç thotë ai monopoli në Babastars që ka krijuar Geti për vete dhe Majkun, ishte Cozman ai që postoi një foto me menaxherin e ‘labelit’ duke thënë se ai është Babastars, kurse një foto tjetër pasuese e shfaqi atë me Albertin duke thënë se është “familja e tij”, por që si duket vet Alberti nuk u impresionua nga postimi i Cozy, duke e larguar përfundimisht nga të gjitha rrjetet sociale.

Duket se Albert Krasniqi përfundimisht i ka rrugët e ndara me antarët e “labelit” Babastars, kurse mbetet të shihet si do të jenë raportet me Noizyn dhe grupin e tij, me të cilët edhe u përleshën e u plagosën në një konflikt të armatosur në qendër të Prishtinës. /Telegrafi/