Vasili: Nëse qeveria nuk larohet vet, do ta largojë populli

Ish-deputeti i LSI-së, Petrit Vasili nga protesta e banorëve të Unazës dha një mesazh për policinë, duke deklaruar që mos i afrohen banorëve.

“Sot nga ky shesh ju japim fjalën të gjithë qytetarëve të unazës së re, por edhe një paralajmërim shumë të rreptë dhe shumë të hekurt për policinë. Në çdo sekondë që do guxojnë të afrohen, e gjithë Tirana është sy pafjetur që të jetë këtu bashkë me këta dhe ti nxjerrë të gjithë hajnat, të venë atje ku e kanë vendin”, tha ai, raporton OraNews.

Ndërkohë ai i bëri thirrje kryeministrit Rama që të largohet sa më parë, pasi përndryshe populli do ta largojë me pahir.

“Këta kanë zgjedhur ta plaçkitin popullin. Mirë është të ikë një sahat e më parë. Këta kanë zgjedhur ta trembin popullin, ta plaçkitin popullin, ta vjedhin popullin. Ja ku e kanë përgjigjen, asnjë nuk ka frikë për ta, asnjë nuk pyet për ta. Këta po e bëjnë më të zi fundin e tyre si qeveri. Koha e tyre ka mbaruar, janë kthyer në kufoma politike që qelben erë. Sot një qeveri që populli nuk e sheh dot me sy, gjënë e vetme që duhet të bëjë është të largohet. Meqë nuk do të largohet me të mirë, atëherë populli do ta largojë me pahir”, tha Vasili.