Varfëri,pa shtëpi, pa kushte elementare për jetesë, sëmundje dhe stres, problemet të cilat e rëndojnë edhe më tepër këtë dimër të ftohtë dhe me dëborë, gjendjen e familjes tetëanëtarëshe Ismailovski nga fshati Peshtallovë e Komunës së Dollnenit.
“S’kam as për fëmijët as për ushqim, as për veshje. Më duhen financa”, thotë Dashurije Ismailovska.
Me këto fjalë, ajo, na priti në dhomën e saj, e cila nga kushtet e vëshira dhe dyshemeja me lagështi, kundërmon aromë e rëndë. Merso dhe Dashurie Ismailovski dhe gjashtë fëmijët e tyre, 18, 16, 15,13, 11 dhe 5 vjeçarë jetojnë me vite të tëra në varfëri, ndërsa ekzistencën e sigurojnë nga puna me duhan dhe nga ndihmat e bamirësve, madje nuk marrin as ndihmë sociale. Dashurija e cila flet si nënë me zemër të thyer, por luftërare për të siguruar ekzistencëne fëmijëve, tregon se çdo ditë e kalojnë në mungesë të ushqimit, veshjeve dhe të ngrohtit. Shtëpia në të cilën jetojnë e ndan burri bashkë me vëllezërit. Për të marrë më shumë hapësirë, Dashuria dhe burri i saj Merso duhet të paguajnë para, raporton TV Shenja.
“Shtëpia nuk është e jona, këtë shtëpi e kanë tre vëllezër, ne i kemi vetëm dy dhona, por nëse nuk i paguajmë ata dy dhoma ne mbetemi vetëm në këtë ku jemi tash siç e shihni. Na kërkojnë pesë mijë euro, nëse ia paguaj kunatit tim unë të dy dhomat atëherë mbeten të miat, unë nuk kam mundësi me se ti paguaj dhe nuk kam mundësi t’i gjejë ata pare”, thotë zonja Ismailovska.
Dashurija tregon se nuk kanë as banjo për të larë e pastruar fëmijët e saj. Ajo dhe burri i saj nuk mund tu sigurojnë ushqim fëmijëve për në shkollë, por edhe kur kthehen nga shkolla.
Ndërsa,varfërinë e kësaj familje e shoqëron një e keqe edhe më e madhe. Gjendja e vështirë shëndetësore e vajzës 18-vjeçare, e cila rreth një muaj më parë është operuar nga boshti kurrizor në Turqi, por që pas operacionit, gjendja e saj është vështirësuar edhe më tepër. Kjo situatë e ka larguar pak Dashurijen nga pesë fëmijët e tjerë.
“U operua, krejt ishte në rregull, por tash është në gjendje shumë të rëndë dhe skam mundësi të bëjë asgjë më tepër. Ajo është në Stamboll në spital. Pas operacionit ra në gjendje shumë të rëndë, i ka ndaluar zemra, dhe tash nuk është gjendja mirë shkaku zemrës që nuk i punon dhe ndodhet në rrezik. Kam ardhur në shtëpi shkaku i fëmijëve që qajnë, që kërkojnë prej meje, kam ardhur me ndihmën e njerëzve, kam nxjerrë biletën dhe kam ardhur deri në shtëpi, kam ardhur ti rregulloj pak fëmijët, dhe të shkoj prap te vajza”, qan hallin e saj, zonja Ismailovska.
Por, mungesa e Dashurijes në shtëpi ka vështirësuar gjendjen e fëmijëve. Ata për tre ditë kanë qëndruar vetëm në shtëpi pasi edhe babi i tyre është dashur të qëndrojë në Stamboll pas keqësimit të gjendjes shëndetësore të vajzës së sëmurë. Më së tepërmi ka pësuar vajza e vogël, të cilën e kanë gjetur me sy të djegur.
“Nuk e di si është bërë puna, isha në Stamboll te vajza, kur u ktheva dje e pash vajzën se e ka syrin kështu, i pyeta fëmijët nuk e dinë, fëmijët si fëmijë, kur do të rrijnë vetë pa i shikuar asnjë t’i shohë në derë se çfarë gjendje kanë dhe a kanë nevojë për diçka. Asnjë nuk ka trokitur në derë t’i pyese duhet diçka, a kanë të hanë, të pijnë a kanë flejtë. Ata e dinë si kanë kaluar këto ditë deri sa nuk kamë qenë aty”, thotë Dashurije Ismailovska.
Ajo, javën e ardhshme do të kthehet përsëri tek vajza në Stamboll. Ndërsa, fëmijët përsëri do të mbesin vetëm.
“Por e kam një lutje tek të gjithë vëllezërit dhe motrat shqiptar, ata që duan të ndihmojnë sa kanë mundësi aq. Tash për tash më duhet ndihmë financiare, për shkak se nuk e kam mirë gjendjen e vajzës, e dyta është për fëmijët që nuk kanë ushqim për të ngrënë për të pirë”, thotë zonja Ismailovska.
Dashurija dhe Merso vazhdimisht falënderonin dhe uronin të gjithë ata që me vite u kanë zgjatur dorën deri më tani. Vështirësitë e tyre vazhdojnë. Ndërsa, ne shpresojmë se një ditë sa më të afërt, këtë familje do ta gjejmë të bashkuar edhe me vajzën e madhe dhe në një shtëpi të ngrohtë dhe me kushte normale për të jetuar. /Telegrafi/
Promo
Reklamo këtuLufta Prigozhin - Putin
Më shumëZëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”
Ngriten çmimet e paketave turistike në Shqipëri, operatorët fajin ia lënë kursit të euros
DW: Sinjale alarmi nga Ballkani - po përsëritet historia?
Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci
Piu kafenë e mëngjesit me ta dhe më pas u mori jetën, detaje nga vrasja e çiftit në Dropull
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak