Në Mançester të Anglisë, një adoleshent është shtrirë dhe ka qëndruar në binarë, ndërsa treni është afruar shumë parë tij.
Djaloshi 12-vjeçar që mbetet i paemëruar, e ka bërë këtë veprim për të rënë në sy të pesë vajzave që ndodheshin para tij.
Në të njëjtën kohë, edhe moshataret e tij ishin duke rrezikuar, sepse rinin ulur në platformë e i kishin vënë këmbët në hapësirën ku kalon treni, transmeton Telegrafi.
Personi që e ka bërë fotografinë, ka thënë se i ka tërhequr vërejtjen djaloshit i cili nuk është ngritur nga binarët derisa është afruar treni.
Policia e ka identifikuar djaloshin dhe i ka njoftuar autoritetet e shkollës, si dhe prindërit e djaloshit.
Kjo fotografi po shpërndahet në rrjete sociale, kryesisht nga prindërit e brengosur, që nuk duan fëmijët e tyre të bëjnë veprime të këtilla. /Telegrafi/
