Varane thyen heshtjen për të ardhmen, tregon se ku mund të luaj

Raphael Varane e ka mbyllur aventurën te Manchester United pas tre viteve qëndrim në Old Traford.

Qendërmbrojtësi francez është lojtar i lirë pasi kontrata me Man Utd i ka skaduar dhe së shpejti mund të vendos se ku do ta vazhdoj karrierën.

30-vjeçari ka disa oferta para vetës si nga La Liga, Bundesliga dhe Serie A, por ai nuk ka përjashtuar mundësinë e rikthimit në Ligue 1.

Lexo po ashtu Kaloi 10 vite te Reali, por Varane tani po nënshkruan për rivalët e mëdhenj të Los Blancos

Klubet franceze si PSG apo Olympique de Marseille janë të vëmendshëm ndaj situatës së mbrojtësit francez, duke marrë parasysh përvojën e tij të madhe dhe aftësinë për të përforcuar repartin defensivë.

“Nuk e di ende, do të marr pak kohë për të menduar sa i përket të ardhmes time. Isha i fokusuar që të mbërrija në kohë në finale. Tani do të marr pak kohë për të rimbushur bateritë dhe për të menduar për të ardhmen time”.

Lexo po ashtu Pas Varanes, Man Utd pritet t’i largojë edhe tre yje si lojtarë të lirë në verë

“Një kthim në Francë? Çdo gjë është e mundur. Unë jam në fund të kontratës sime, kjo është hera e parë në karrierën time. Do të gjej kohë të ulem dhe të mendoj për të”, tha Varane.

Atletico Madrid, Inter, Juventus dhe Bayern Munich gjithashtu kanë shfaqur interesim për lojtarin i cili pëlqehet edhe nga klubet arabe. /Telegrafi/