VAR rrit numrin e penalltive – 13 ndeshje, tetë penallti

Sistemi Video Assistant Referee (VAR) ka bërë revolucion në Kampionatin Botëror që po mbahet në Rusi. 

Në 13 ndeshjet e para, gjyqtarët kanë akorduar tetë penallti, duke regjistruar një mesatare prej 0.61 penallti për ndeshje.

Për të parë më mirë efektin që ka pasur sistemi (VAR) është bërë një krahasim me ndeshjet e Botërorëve të mëparshëm.

Në Brazil, shifra e tetë penalltive të akorduara u regjistrua pas 26 ndeshjeve, ndërsa në vitin 2006, në Botërorin e Gjermanisë u deshën të luheshin 40 ndeshje që të shënohej shifra e tetë penalltive të akorduara.

Lexo po ashtu Mbrojtësi islandez që punon në fabrikën e kripës mori një muaj pushim për Kampionatin Botëror – paraqitja e tij ndaj Argjentinës ishte e jashtëzakonshme

Në ndeshjen e par që VAR u fut në “lojë” ishte Franca- Australia, kur u dha një penallti për Antoine Griezmann. Nga penalltia u shënua gol.

VAR ndërhyri edhe në ndeshjen Kroaci-Nigeri, pas një ndërhyrjeje ndaj Mandzukic, edhe pse gjyqtari e kishte gjykuar me të parën. VAR e konfirmoi penalltinë, ndërsa Luka Modric shënoi në pika e bardhë.

Lexo po ashtu Analizë: 11 gjëra që duhet t'i bëjë Low pas Meksi-KOs

Edhe Peruja e pati mundësinë e saj nga penallti, kundër Danimarkës, që u gjykua nga VAR. Por penalltia nuk u kthye në gol.

Ndeshja tjetër, Suedi-Kore e Jugut. Viktor Claesson u rrëzua në zonë, por gjyqtari nuk akordoi penallti.

Pas dy minutash VAR e konfirmoi penalltinë dhe Suedia fitoi me të.

Tunizia barazoi përkohësisht rezultatin 1-1 ndaj Anglisë, pas një penalltie të dhënë për një faull nga Ben Youssef. Arbitri i ndeshjes mori konfirmimin nëpërmjet kufjeve nga kolegët e tij.

Lexo po ashtu Kriza në kampin gjerman - debate mes lojtarëve e trajnerit dhe një psikolog i angazhuar enkas për situatën!

VAR ka ndryshuar gjithçka. Patjetër që ka ende gabime, por VAR ka sjellur drejtësi në të shumtën e rasteve. /Telegrafi/