Valverde kishte fyer Robertsonin me deklaratën pas finales së Ligës së Kampionëve: Të shikosh djalin tim është punë më e vështirë sesa të markosh atë

Federico Valverde bëri një shaka të hidhur duke thënë se të kujdesesh për djalin e tij është më e vështirë sesa të markosh Andy Robertsonin pasi Real Madridi mundi Liverpoolin për të fituar finalen e Ligës së Kampionëve të shtunën mbrëma.

Mesfushori po jepte një intervistë në fushën e “Stade de France” pas fitores së ekipit të tij dhe ai kishte djalin e tij mbi supet e tij.

Por, djali nuk ishte ulur ende dhe vazhdoi të përpiqej të kapte medaljen e babait të tij, duke e lënë yllin e Realit të përqendrohej më shumë tek ai sesa intervista që po jepte.

Lexo po ashtu Tashmë ka një "fajtor" për dështimin e Liverpoolit në finale të Ligës së Kampionëve - lëshimi i pozicionit për ta ndjekur nga pas Modricin

Kur u pyet se si i luftoi sulmet e Robertsonit, Valverde bëri shaka: “Të shikosh djalin tim është punë më e vështirë sesa të markosh Robertsonin”.

Përveç markimit të Robertsonit, Valverde dha një kontribut kyç në sulm duke dhënë asistimin për Vinicius Jr që ishte goli triumfues në fund.

Lexo po ashtu Planet e transferimeve të Real Madridit pasi synojnë të bëhen sërish kampion të Evropës - Perez e Ancelotti i kanë menduar edhe detajet e vogla

Por, reprezentuesi i Uruguait pranoi se pasimi i tij për Vinicius që ndau mbrojtjen e Liverpoolit në të vërtetë kishte për qëllim fillimisht të ishte një goditje drejt portës.

Ai shpjegoi: “U afrova pranë zonës, gjuajta topin, ai përfundoi si një pasim i jashtëzakonshëm dhe Vinicius e bëri atë të dukej edhe më mirë”. /Telegrafi/

Valverde “taking care of my son is harder than Robertson” brooooo 😭😭😂😂 https://t.co/Ryw8jIenkA

— WolfRMFC (@WolfRMFC) May 31, 2022