Vaji i kokosit nuk duhet përdorur në të gjithë trupin: Mjekët kanë dhënë udhëzime të qarta

Mund të jetë i rrezikshëm në këto pjesë të lëkurës

Vaji i kokosit është një produkt i preferuar për kujdesin e lëkurës për shumë njerëz, por ja kur duhet të jeni të kujdesshme!

Vaji i kokosit tashmë mund të gjendet edhe në shtëpitë tona – ne e përdorim atë kudo, nga kuzhina te produktet kozmetike. Megjithatë, dermatologët thonë se duhet treguar kujdes kur përdorni vaj kokosi për kujdesin e lëkurës.

Disa e përdorin për të pastruar fytyrën e tyre, sepse është aq i yndyrshëm sa që tret grimin dhe papastërtitë, por më pas duhet një fazë e dytë për të hequr plotësisht mbetjet e tij.

Për një proces të tillë pastrimi “dyfazor”, duhet të përdoret gjithashtu shkumë ose sapun për larje, transmeton Telegrafi.

Disavantazhi kryesor i vajit të kokosit është se ai mund të mbyllë plotësisht poret. Nuk ka aftësinë për të hidratuar lëkurën, vetëm mund të “kyçë” atë që ndodhet në të. Me fjalë të tjera, nuk është hidrant por ka një efekt “okluziv”.

Kjo është arsyeja pse nuk duhet të përdoret kurrë në pjesët e trupit që i depiloni – këmbët, krahët, nënsqetullat apo në zonën intime.

Mbyllja e poreve pas depilimit mund të çojë në rritjen e qimeve, e më pas në formimin e puçrrave dhe proceseve inflamatore. Në vend të vajit të kokosit, në këto pjesë të lëkurës përdorni krem hidratues dhe qumësht trupi.

Gjithashtu, nëse keni lëkurë të yndyrshme dhe të prirur ndaj akneve, vaji i kokosit mund ta përkeqësojë atë. /Telegrafi/