Iniciativa e presidentit Hashim Thaçi për transformimin e Forcës së Sigurisë së Kosovës në ushtri ka nxitur reagime tek ndërkombëtarët, por nga ekspertë të sigurisë përkrahet kjo iniciativë duke pasur parasysh pretendimet e vazhdueshme territoriale të Serbisë ndaj Kosovës .
Sekretari i Përgjithshëm i NATO-s, Jens Stoltenberg dhe ambasadori amerikan Greg Delawie kanë shprehur shqetësimin e tyre rreth procedimit të projektligjit për themelimin e Ushtrisë së Kosovës.
Lidhur me këtë njohësi i çështjeve ushtarake dhe të sigurisë, Ramadan Qehaja në një prononcim për Telegrafin ka theksuar se reagimet e ndërkombëtarëve kanë qenë të pritshme.
“Kam pritur reagime të mëdha nga çarqet ndërkombëtare që veprojnë këtu në Kosovë kundër dhënies së ingerencave më të fuqishmet aspektit ushtarak të FSK-së. Ne faktikisht emrin nuk po e ndryshojmë, fjala është vetëm për shtimin e detyrave të nivelit ushtarak. Çarqet ndërkombëtare këtu në Kosovë nuk do të thoshin që formoni ju Forcat e Armatosura të Kosovës sepse ka ardhur koha”, ka thënë Qehaja.
Ai ka theksuar se ne vetëm po fillojmë të bëjmë ushtrinë, dhe se ka qenë e pritshme reagimi i NATO-s, duke ditur detyrat neutrale të aleancës në Kosovë.
“Duke ditur që NATO-ja në Kosovë ka detyra neutrale ndaj Pavarësisë së Kosovës, dhe vepron sipas rezolutës 1244, do të thotë që katër shtete që janë anëtare të NATO-s nuk kanë pranuar ne si shtet dhe nuk mund të presim që NATO-ja të na thotë formoni ushtrinë”, u shpreh Qehaja, duke shtuar se ne duhet një herë e përgjithmonë ta kemi parasysh se së paku një herë duhet ta marrim një vendim vet dhe jo të presim çfarë të na thotë dikush.
Ramadan Qehaja më tej ka bërë të ditur se që tri vite jemi duke diskutuar rreth asaj se a duhet dhe si duhet formuar Forcat e Armatosura të Kosovës, dhe më tepër jemi marrë me fjalë se a do ta votojë apo jo Lista Serbe një vendim të tillë.
“Ka pasur tentativa të më hershme që të bisedohet me Listën Serbe, por duke e ditur prejardhjen e saj, ata kanë qëndrime të njëjta sikurse Vuçiqi lidhur me FAK-un e që ai nuk dëshiron që Forcat e Armatosura të formohen, kështu që edhe këta patën deklaruar se nuk do ta votojnë kurrë krijimin e FAK-ut”, tha Qehaja për Telegrafin.
Ai ka theksuar se pavarësisht asaj se kush e ka bërë propozimin i pari, presidenti apo qeveria për ta proceduar Projektligjin për FSK-në Kuvend, më e rëndësishme është që kjo gjë të ecë përpara.
“Mendoj se kjo është mirë dhe është momenti i duhur për këtë, është momenti i fundit që ne të veprojmë. Deputetët duhet të jenë të kujdesshëm dhe ta votojnë këtë projektligj, sepse ne nuk mund të presim më duke pasur parasysh rrezikshmërinë që e kemi jo vetëm në aspektin e destabilizimit të situatës së sigurisë nga Serbia, por edhe për shkak të pretendimeve territoriale që ajo ka ndaj Kosovës, për ta ndarë një pjesë të saj”, tha Qehaja për Telegrafin.
Qehaja ka theksuar se më nuk mund të rrimë duarkryq pavarësisht prej asaj që Serbia kinse po hidhërohet, ne nuk duam ta hidhërojmë as Serbinë e as një shtet fqinjë, ne vetëm duam ti kryejmë detyrat tona si shtet që jemi.
Ai u shpreh se situata është kësisoj, duke pasur parasysh tentativat për destabilizim të situatës së sigurisë dhe politike në Kosovë janë shumë të mëdha, prandaj sipas tij ushtria e Kosovës duhet të formohet./Telegrafi/
Lufta Prigozhin - Putin
Më shumëGazetari britanik tregon nëse mund të ketë luftë në Kosovë dhe Bosnjë
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Kurti pas telefonatës me Macron: Besojmë që Franca ta mbështesë Kosovën në KiE pa parakushte
Rrëfimi i Vasfije Krasniqit: Çdo ditë e kujtoj tmerrin që më ndodhi nga forcat serbe
Goditi 42 herë me thikë ish-të dashurën në Vjenë, gjykata e dënon me 15 vjet burgim shqiptarin nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj