Unitedi dhe Mourinho do të testojnë Realin me një ofertë për Kroosin

Skuadra e madhe angleze, Manchester United dhe trajneri i tyre Jose Mourinho do të tentojnë transferimin e mesfushorit gjerman të Real Madridit, Toni Kroos.

Djajtë e Kuq kanë dështuar sezonin e kaluar të fitojnë ndonjë trofe dhe drejtuesit e klubit dhe trajneri janë të interesuar në përforcimin e skuadrës.

Pas transferimin të Diego Dolot nga Porto dhe Frad nga Shakhtar Donetsk, Unitedi ka etiketuar edhe emra tjerë për t’i transferuar në Old Trafford.

Lexo po ashtu Unitedi rikthen interesimin për Kroos

Sipas gazetës spanjolle AS, ylli gjerman i Real Madridit, Kross është objektiv i skuadrës angleze për afatin kalimtar veror.

Ky medium raporton se trajneri i Unitedit, Mourinho, është gati të testojë Mbtetërit me një ofertë për Kroos.

Trajneri portugez ka diskutuar tashmë me nënkryetarin Ed Woodward për transferimin e gjermanit, pasi Mourinho e sheh ideal si partner të Pogbas.

Lexo po ashtu Ekipi i sezonit në Ligën e Kampionëve, dominojnë lojtarët nga Real Madridi

Mourinho i njeh mjaft mirë aftësitë e Kroosit dhe beson se ai do të ketë ndikim të madh në Old Trafford, duke u bërë lider dhe duke ndihmuar skuadrën të kthehet si gjigant në futbollin evropian.

Megjithatë, drejtuesit e Realit janë të qetë momentalisht dhe nuk duan ta shesin me çmim të ulët pasi Kroos ka kontratë deri në vitin 2022 dhe një klauzolë prej 500 milionë eurosh. /Telegrafi/