Udhëheqësi i ri bën thirrje për paqe – pamje të dhunës më të keqe që nga rënia e Assadit në Siri

Udhëheqësi i Sirisë, Ahmed al-Sharaa ka bërë thirrje për paqe pas disa ditësh përleshjesh ku forcat siriane të sigurisë dyshohet se vranë qindra civilë nga pakica fetare alavite.

Observatori Sirian për të Drejtat e Njeriut (SOHR) me bazë në Mbretërinë e Bashkuar – i cili monitoron luftimet në Siri – tha se rreth 745 civilë u vranë në 30 “masakra” që synonin alavitët në bregun perëndimor të premten dhe të shtunën, shkruajnë mediat e huaja, përcjell Telegrafi.

BBC thotë se nuk ka qenë në gjendje të verifikojë në mënyrë të pavarur numrin e vdekjeve të dhunës në rritje, që besohet të jetë më e keqja që nga rënia e regjimit të Bashar al Assadit.

Update on Syria

Syria is facing its deadliest violence in years. Over 1,000 people have been killed in just two days as clashes erupt between the new Islamist government and Assad loyalists. Civilians are caught in the crossfire, with reports of mass executions and revenge… pic.twitter.com/utlBqZAIqN

— Hunter Robichaux (@JASCOPodcast) March 9, 2025

Presidenti Sharaa tha: “Ne duhet të ruajmë unitetin kombëtar dhe paqen civile sa më shumë që të jetë e mundur dhe… do të jemi në gjendje të jetojmë së bashku në këtë vend”.

Numri i luftëtarëve të vrarë në katër ditët e fundit e çon numrin total të vdekjeve në më shumë se 1000 njerëz, thotë Observatori Sirian.

Kjo përfshinte rreth 125 luftëtarë të lidhur me qeverinë e re të udhëhequr nga islamistët dhe 148 luftëtarë pro-Asad.

Breaking: More than 70 dead as Syria experiences its worst violence since the fall of Assad. Clashes erupted in Syria's coastal region between government forces and Assad loyalists, many from the Alawite minority.#Syria #Assad #syriaconflict pic.twitter.com/LD088s1BGy

— Collective Memory (@Collective_memo) March 7, 2025

Duke folur nga një xhami në kryeqytetin Damask, të dielën, presidenti i përkohshëm tha: “Ajo që po ndodh aktualisht në Siri është brenda sfidave të pritshme”.

Ai gjithashtu njoftoi në një deklaratë se kishte nisur një hetim për dhunën që do të “identifikonte përgjegjësit” dhe do t’i dërgonte autorët në gjykatë.

Ai nuk komentoi drejtpërdrejt mbi akuzat se mizoritë po kryheshin nga mbështetësit e tij në provincat bregdetare të Latakisë dhe Tartous.

Në një përditësim të mëvonshëm në Telegram, presidenca njoftoi krijimin e një komiteti të ri të pavarur për të hetuar dhe identifikuar autorët pas sulmeve. /Telegrafi/