U kap duke fjetur në parkun olimpik, notari italian me shpjegim jo-bindës

Një video e notarit italian Thomas Ceccon është bërë virale në rrjetet sociale pasi ai u pa duke fjetur në parkun e fshatit Olimpik. Në fund të fundit, italiani u detyrua të reagonte dhe të shpjegonte se dremitja e tij nuk kishte të bënte me kritikat për kushtet e këqija në fshatin Olimpik që bëri pak ditë më parë.

Ceccona u filmua duke fjetur nga vozitësi saudit Hussein Alireza në fshatin Olimpik dhe përballë reagimeve të shumta, Federata Italiane e Atletikës u detyrua të dilte dhe të shpjegonte se ishte thjesht një sy gjumë dhe se kampioni olimpik në 100 metra shpinë nuk e kishte kaluar natën jashtë.

“Nuk ka ajër të kondicionuar, është shumë vapë dhe ushqimi është i keq”, tha ditët e fundit notari 23-vjeçar, pas eliminimit në gjysmëfinale të 200 metrave shpinë.

I lodhur, ai vuri në dukje vështirësinë e tij për të fjetur natën dhe pasdite, për shkak të zhurmës dhe vapës.

“E vërteta është se unë isha atje për të qëndruar vetëm për pak dhe kjo është e gjitha”, shpjegoi Thomas Ceccon pse flinte në parkun e fshatit Olimpik, edhe pse shpjegimi i tij nuk duket aq bindës.

“Jam i kënaqur me paraqitjen time në Lojërat dhe kaq. Patjetër që do të marr disa ditë për veten time, mezi pres të jem në shtëpi dhe të kaloj kohë me familjen time”, shtoi ai.

Lexo po ashtu Fituesi i medaljes së artë u gjet duke fjetur në park pasi u ankua për kushtet 'të këqija' të fshatit Olimpik

Gjatë Lojërave Olimpike në Paris, Thomas Ceccon fitoi një medalje bronzi me bashkatdhetarët e tij në garën 4×100 metra stil i lirë.

“Erdha këtu me synimin për të fituar 100 metra dhe ia dola, gjithçka tjetër është ekstra”, komentoi italiani paraqitjet e tij.

Thomas Ceccon nuk ishte i vetmi atlet që shprehu kritika për kushtet në fshatin Olimpik, pasi edhe shumë garues të tjerë ishin të pakënaqur me akomodimin dhe kushtet, madje disa u larguan nga fshati Olimpik. /Telegrafi/