U deklarua si e vdekur, gruaja nga Ekuadori “kthehet në jetë” 8 orë më vonë

Në Ekuador dhe jo vetëm, komentet mbi “ringjalljen” e Bella Montoya, 76 vjeçare, nuk kanë të ndalur.

E moshuara u deklarua e vdekur në pasditen e së premtes, pasi fillimisht ishte hospitalizuar në orën 9 të mëngjesit (sipas kohës lokale) në spitalin Martin Icaza de Babayoho.

Gilber Rodolfo Balberán Montoya, djali i Bella-s, siguron se Zoti i dha asaj një shans të dytë.

Megjithatë, ai tregon se në spital ka pasur neglizhencë, raporton El Universo, transmeton Telegrafi.

“E dërgova atë në spital rreth orës 9 të mëngjesit, dhe pasdite një doktor më tha se nëna ime kishte vdekur”, deklaroi Balberán.

Ai tutje shtoi se nëna e tij ishte brenda arkivolit nga ora 14 deri pas orës 18, atëherë kur familjarët e Bella vunë re se ajo kishte shenja jete në momentin që ata e hapën arkivolin për t’ia ndërruar rrobat.

“Nëna ime filloi ta lëvizte dorën e saj të majtë, hapi sytë dhe gojën, ajo po bënte përpjekje për të marrë frymë”, tha tutje Gilber.

Ngjarja është regjistruar në video ku vërehet dëshpërimi i familjarëve të viktimës, të cilët tentuan ta rikthenin atë në jetë, ndërsa prisnin mbërritjen e ambulancës nga departamenti i Zjarrfikësve të Babahoyo.

🇪🇨 | LO ÚLTIMO: Una mujer que fue declarada muerta por un médico, revivió en pleno velorio ante la mirada de sus familiares en Babahoyo, Ecuador. Inmediatamente fue trasladada al hospital Martin Icaza donde la volvieron a atender. pic.twitter.com/s8k7XzRTCZ

— Alerta Mundial (@AlertaMundoNews) June 10, 2023

Bella Montoya u nxor nga arkivoli dhe u vendos në një barelë dhe më pas me një ambulancë u dërgua në spitalin Martín Icaza. /Telegrafi/