Pasagjerët u evakuuan nga një aeroplan i American Airlines në pistë të martën në Augusta, Georgia, pasi nuhatën diçka që digjej dhe panë tym në kabinë.
Fluturimi 5406, i operuar nga PSA Airlines, u ul në Augusta pas një fluturimi 36-minutësh nga Charlotte, sipas ueb-faqes së gjurmimit të fluturimeve FlightAware, transmeton Telegrafi.
"Kabina ishte e mbushur me tym dhe ne u ngjitëm në krah", tregoi pasagjeri Sean O'Conor ndërsa regjistroi videon e evakuimit.
"Duket sikur të gjithë janë të sigurt", shtoi ai nw videon amatore tw postuar nw rrjetet sociale.
Aeroplani CRJ-900 përjetoi "një problem mirëmbajtjeje pas uljes së sigurt në Augusta", tha linja ajrore për CNN.
"Të gjithë pasagjerët u nisën dhe u shoqëruan në terminalin e aeroportit. Siguria e klientëve tanë është prioriteti ynë kryesor dhe kërkojmë ndjesë për shqetësimin", u tha ndwr tjera.
Kthimi me atë aeroplan për në Charlotte u anulua, por ai aeroplan u kthye në shërbim të mërkurën, sipas FlightAware.
Të mërkurën, një aeroplan tjetër që fluturonte në të njëjtën rrugë nga Charlotte në Augusta gjithashtu përjetoi një problem mekanik, tha American Airlines për CNN.
Ai aeroplan, një CRJ-700, qarkulloi dhe u kthye në Charlotte pas rreth 20 minutash në ajër, sipas FlightAware.
Tre orë më vonë, ai u ngrit përsëri dhe shkoi i sigurt në Augusta. /Telegrafi/
