“Ty të pëlqejnë djemtë si ai”, Rozana – Loredanës për Jozin: Ai është dhunues psikologjik, prandaj erdhi babai

Teksa po bëheshin gati në mëngjes, Rozana dhe Loredana u përfshinë në një debat të fortë lidhur me Jozin, i cili më parë kishte qenë në një lidhje me Loredanën, por tashmë nuk është më pjesë e shtëpisë.

Rozana e kritikoi ashpër Loredanën për marrëdhënien e saj me Jozin, duke e cilësuar atë si një “dhunues psikologjik”.

“Si do të ndiheshe nëse i dashuri yt të thoshte ‘ti shkon karrige më karrige’? A e kupton tani me kë ke qëndruar gjithë këtë kohë?”, e pyeti Rozana.

Loredana, e cila pranoi se po e shihte situatën më qartë, u shpreh se ende e kishte Jozin në zemër, por nuk mund të vendoste kapakun dhe të mbyllte çdo gjë.

Në këtë moment, Rozana reagoi edhe më ashpër: “Të pëlqejnë njerëzit dhunues? Ai djalë është dhunues psikologjik.

Një djalë që kam në krah dhe shan gratë e tjera, asnjë sekondë nuk rri me të. Prandaj është ngritur babai yt dhe ka ardhur në shtëpi, kuptoje këtë”, tha Rozana.

Debati i tensionuar la të kuptohet se sjellja e Jozit kishte ndikuar jo vetëm në Loredanën, por edhe në atmosferën e përgjithshme të shtëpisë. /Telegrafi/

View this post on Instagram

A post shared by Big Brother Alb VIP Edition (@bigbrotheralb_vip)