Tuta sportive me ngjyra të ndezura – tendenca e fundit e modës së këngëtarëve shqiptarë

Reperët e estradës janë gjithmonë shumë “in” me modën, dhe dinë përherë të promovojnë tendencat më të fundit.

I shohim gjithnjë të veshur me veshje të shtrenjta e luksoze në skenë, por jashtë saj, ata dinë të jenë krejt ndryshe.

Në përditshmëri, shumica preferojnë veshjet sportive, me të cilat së fundmi kanë filluar të shfaqen në edhe në klipe muzikore.

Në qoftë se vërejmë me vëmendje, shumica prej këngëtarëve meshkuj të estradës preferojnë që të shfaqen me tuta sportive në klipe dhe rrjetet sociale.

Tendenca e fundit muzikore ka ndikuar që shumica prej tyre të shfaqen me ngjyra të ndezura, me çka kanë arritur të bien menjëherë në syrin e publikut.

Telegrafi ju sjell disa prej tyre në vazhdim:

Capital T

Reperi i njohru Capital T së bashku me reperin Majk në klipin e fundit “Pasha jetën”, shfaqen që të dy veshur me tuta sportive me ngjyra të ndezura. Përderisa Capital T shfaqet me të kuqe, Majk ka preferuar ngjyrën e verdhë.

Majk

Tutat e verdha, Majk ka preferuar që t’i veshë edhen ë përditshmëri, përderisa me të njëjtat shfaqet në një prej fotografive të fundit të publikuar në rrjetet sociale.

Ardian Bujupi

Ndërkohë, këngëtari Ardian Bujupi, i cili ka qenë shumë aktiv kohëve të fundit me projekte, duke se gjithashtu nuk i ka rezistuar kësaj tendence. Ai në një fotografi të publikuar së fundmi në Instagram, shfaqet duke pozuar para veturës së tij, teksa të veshur ka tutat sportive me ngjyrën e gjelbër të ndezur.

Stresi

Duket se të njëjtat sikur këngëtari Bujupi, i ka veshur edhe reperi Arkimed Lushaj – Stresi, në një nga fotografitë e publikuara së bashku me mikun e tij në rrjetin social Instagram.

Mozzik

Reperi Mozzik gjithashtu i bashkohet listës së reperëve të cilët kanë promovuar së fundmi linjën e tutave sportive me ngjyra të ndezura. Ai në imazhet e fundit të publikuara në rrjetet sociale, ka treguar se parapëlqen tutat sportive me ngjyrën e gjelbër të ndezur, por preferon edhe të kuqet.

Përderisa moda është gjithnjë në lëvizje, duket se këngëtarët e estradës janë gjithmonë të vëmendshëm që ta ndjekin atë. Megjithëse nganjëherë duket sikur të jenë veshur njësoj, prapëseprapë secili prej tyre duket bukur dhe i veçantë në formën e vet. /Telegrafi/