Turqit shkojnë sot në raundin e dytë të zgjedhjeve: Erdogan apo Kilicdaroglu?

Sot në Turqi po mbahet raundi i dytë i zgjedhjeve presidenciale, ku qytetarët e këtij vendi do të vendosin se kush do ta drejtojë vendin në pesë vitet e ardhshme.

Raundi i parë i zgjedhjeve u mbajt më 14 maj dhe duke qenë se asnjë kandidat nuk fitoi më shumë se 50 për qind të votave, dy kandidatët kryesorë, presidenti aktual Recep Tayyip Erdogan dhe kandidati kryesor i opozitës Kemal Kilicdaroglu, do të shkojnë sot në raundin e dytë të zgjedhjeve, transmeton Telegrafi.

Pjesëmarrja në raundin e parë të zgjedhjeve ishte e lartë. Për të votuar dolën 86,98 për qind e votuesve (64,190,651 persona), dhe sipas rezultateve, Recep Tayyip Erdogan fitoi më shumë vota (49,52 për qind), i ndjekur nga Kemal Kiliçdaroglu që fitoi 44,88 me një diferencë të vogël, për qind të votave.

Lexo po ashtu Turqia zgjedh mes Erdoganit dhe Kilicdaroglut - gjithçka që duhet të dini për zgjedhjet presidenciale

Në vendin e tretë me një diferencë të madhe është Sinan Ogan me 5.17 për qind të votave dhe në vendin e fundit është kandidati që u largua nga gara për pozitën presidenciale pak ditë para zgjedhjes së Muharrem Ince, por që gjithsesi fitoi 0.43 për qind.

Pasi u bë e qartë se dy rivalët kryesorë do të luftonin për presidencën në raundin e dytë të zgjedhjeve, fushatat aktive filluan të fitonin miratimin dhe besimin e votuesve.

Menjëherë pas zgjedhjeve, Erdogan mori mbështetjen e Sinan Oganit dhe për këtë mund të pritej që gati 3 milionë njerëz që votuan për të do të vendosin t’i japin votat e tyre presidentit aktual.

Ogan më vonë tha se foli me Kilicdaroglu, i cili nuk tha asgjë për ta bindur atë se do të fitonte zgjedhjet.

Lexo po ashtu Erdogan dënoi arrestimin e gazetarëve turq në Gjermani: Shkelje e lirisë së medias

“HDP ishte vija ime e kuqe… Por, për fat të keq, nuk mora një përgjigje efektive. Nuk ka asgjë më të natyrshme se të mbështes partinë që ka shumicën në parlament”, tha Ogan.

Erdogan, megjithatë, vendosi se mbështetja e Oganit nuk ishte e mjaftueshme për të siguruar fitoren në raundin e dytë. Që nga 14 maji, ai ka adresuar akuzat e kundërshtarit të tij për gjuhën e urrejtjes dhe tha se një fitore për Kilicdaroglu do të ishte një fitore për ‘terroristët’.

“Ne kemi treguar se është e pamundur të hysh në zemrat e njerëzve me gjuhën e urrejtjes. Ne kemi treguar se nuk është e mundur të ecësh me separatistët dhe anëtarët e FETO-s për hir të përfitimeve politike”, tha Erdogan pas zgjedhjeve.

Ai gjithashtu arriti të dërgojë një mesazh të fortë gjatë përvjetorit të grusht-shtetit të vitit 1960, kur vizitoi mauzoleun e kryeministrit të ekzekutuar.

Ishte një kujtesë për votuesit se ai ishte përballur me një përpjekje për grusht shteti në vitin 2016 dhe se qeveria do të ishte e sigurt në duart e tij.