“Turizmi në Maqedoni është në gjendje të mirë”

“Turizmi si një ekonomi globale përbën një mesatare prej 10 përqind të BPV-së në secilën ekonomi. Çdo i nënti punësim është në fushën e turizmit dhe me fuqinë e saj si degë ekonomike, turizmi çdo vit tejkalon rekordet dhe paradokset, si dhe parashikimet e ekspertëve më optimist në këtë fushë”.

Këtë e thotë drejtori i Agjencisë për Promovimin e Turizmit në Maqedoni Ljupço Janevski. Në një intervistë për AIM, ai thotë se turizmi së bashku me elementet tjera të ekonomisë jep imazh të mirë për BPV-në e vendit, përcjell Telegrafi Maqedoni.

Sipas tij, industria turistike në vend është në kushte të mir, por duhet të punohet në oferta më cilësore.

“Kur shohim statistikat, ne jemi në gjendje të mirë. Turizmi në Maqedoni në dekadën e fundit po rritet, me një numër turistësh rreth 150 për qind dhe 140 për qind me numrin e netëve të shpenzuara. Në tetë muajt e fundit, kemi një rritje të numrit të turistëve me 15 përqind, që është një rritje e numrit të qëndrimeve me 16 përqind. Kjo është materializuar me një rritje prej 26.5% të fluksit të drejtpërdrejtë të këmbimit valutor në ekonominë e Maqedonisë nga sektori i turizmit”, tha Janevski./Telegrafi/