Tufegxhiq: Nxënësit e shkollave të mesme të denoncojnë të gjithë trysnitë

Deputetja nga radhët e LSDM-së, Ivana Tufegxhiq tha se i kanë parë trysnitë ndaj nxënësve të shkollave të mesme që të mos dalin për të protestuar kundër ndotjes së ajrit.

“Ju bëj thirrje të gjithë nxënësve të shkollave të mesme të denoncojnë të gjithë trysnitë që kanë ndodhur ndaj tyre dhe të mos frikësohen nga pasojat. I bëjmë thirrje Inspektoratit arsimor të veprojë menjëherë, të del në teren dhe të shqiptojë dënime për drejtorët që kanë kryer trysni ndaj nxënësve të shkollave të mesme”, tha Tufegxhiq, njofton Telegrafi Maqedoni.

Sipas saj, koha e etiketimeve dhe trysnive ndaj të rinjve që duan të protestojnë kanë përfunduar ndërsa aktorët politik dhe drejtorët që mendojnë ndryshe, i përkasin të kaluarës.

“Ju bëj thirrje të gjithë nxënësve të shkollave të mesme të ngrisin ankesa, ashtu siç i bëj thirrje Inspektoratit arsimor të veprojë në mënyrë transparente dhe publikisht ndaj ankesave dhe të njoftojë për dënimet që janë shqiptuar ndaj drejtorëve”, tha Tufegxhiq./Telegrafi/