Tuchel bën një ndryshim të madh tek Anglia pak ditë pasi u emërua trajner i tyre

Thomas Tuchel ka ndarë rrugët me njërin prej anëtarëve të tij më besnik pasi u shfaqën detaje nga stafi i tij i asistentëve pas emërimit në krye të Anglisë.

Tuchel u konfirmua si pasues i Gareth Southgate më herët gjatë kësaj jave dhe do të marrë zyrtarisht këtë rol që nga fillimi i vitit 2025.

Lee Carsley ka qenë në krye të Anglisë që prej largimit të Southgate pasi ky i fundit ishte larguar pas humbjes ndaj Spanjës në finale të Kampionatit Evropian.

Kur Tuchel të marrë drejtimin e Anglisë, Carsley do të rikthehet në pozicionin e tij të mëparshëm si përzgjedhës i Anglisë U21, por fillimisht do t’i udhëheq ‘Tre Luanët’ edhe në dy ndeshje të Ligës së Kombeve ndaj Greqisë dhe Irlandës.

Një pjesë e stafit të Tuchel tashmë është konfirmuar me Anthony Barry që do të jetë asistenti i tij.

Barry punoi me Tuchel tek Chelsea dhe Bayern Munich, aty ku së bashku fituan katër trofe mes të dyja klubeve.

Sipas raportimit nga Fabrizio Romano, Zsolt Low, i cili ishte asistent i Tuchel tek Bayerni dhe gjithashtu punoi me të tek PSG-ja dhe Chelsea, ka ndarë rrugët me përzgjedhësin e ri të Anglisë.

Romano ka raportuar se hungarezi Loë tani pritet që të nis një rrugëtim të ri në futboll dhe dëshiron të bëhet trajner kryesor i ndonjë skuadre./Telegrafi/