LAJMI I FUNDIT:

Tryeza virtuale e IKD: Feja, faktor kontribues në proceset e dialogut

Tryeza virtuale e IKD: Feja, faktor kontribues në proceset e dialogut

Instituti i Kosovës për Drejtësi (IKD), në bashkëpunim me Mediterranean Women Mediators Network, të mërkurën ka organizuar tryezën virtuale për Bashkësitë Fetare dhe Dialogun Ndërkomunitar, në kuadër të projektit “Promovimi i Lirisë Fetare dhe Dialogut Ndëretnik në Kosovë”.

Pjesëmarrës në këtë tryezë virtuale ishin, ish-zëvendëskryeministrja e Kosovës, njëkohësisht anëtare e rrjetit Mediterranean Women Mediators Network, znj. Edita Tahiri; përfaqësuesit nga bashkësitë fetare në Kosovë, kryeimami Vedat Sahiti, përfaqësuesi i Kishës Katolike Don Mikel Sopi, përfaqësuesi i Kishës Protestante Ungjillore Driton Krasniqi si dhe z. Habit Hajredini nga Zyra e Kryeministrit.

Në këtë tryezë, Drejtori ekzekutiv i IKD-së, Ehat Miftaraj theksoi se feja ka qenë dhe do të vazhdojë të jetë një faktor i fuqishëm kontribues në proceset e dialogut. Prandaj sipas tij, është thelbësore përfshirja e bashkësive fetare në përpjekjet diplomatike për ndërtimin e paqes dhe tolerancës ndëretnike.

Miftaraj theksoi se feja dhe bashkësitë fetare, kombinuar edhe me përpjekjet e faktorëve të tjerë, mund të ndihmojnë në uljen e tensioneve midis popujve në konflikt dhe madje edhe zgjidhjen e konflikteve.

Ish-zëvendëskryeministrja Edita Tahiri tha se liritë fetare vetëm si të drejta, mund të kufizohen nëse nuk ka harmoni fetare. Për me tepër, znj. Tahiri theksoi se dialogu nuk bëhet vetëm në nivelin politik apo qeveritar, mirëpo është shumë më i fuqishëm kur i njëjti realizohet në nivelin e shoqërisë civile dhe në nivelin lokal.

Zonja Tahiri tha se Kosova është model i bashkëjetesës fetare dhe se shqiptarët kanë traditë ruajtjen e vlerës së diversitetit. Ajo tha se Kosova është shtet laik dhe se feja duhet të rrijë larg prej shtetit dhe institucioneve publike. Sipas saj, Kosova nuk duhet të ndjek shembullin e Greqisë apo Serbisë, ku feja ka shtrirje të madh në ato shtete dhe në popull.

Përfaqësuesit e bashkësive fetare, pjesëmarrës në tryezë, u pajtuan se bashkëjetesa dhe harmonia ndërfetare është një virtyt i trashëguar i shqiptarëve dhe mbi këtë virtyt, ata thanë se janë të gatshëm për ndërtimin e urave të bashkëpunimit dhe bashkëjetesës. Ndër të tjera, përfaqësuesit e bashkësive fetare thanë se ata janë gjithmonë të gatshëm për bashkëpunim dhe dialog me Kishën Ortodokse Serbe, pavarësisht ngurrimit të kësaj të fundit.

Pjesëmarrësit e takimit vlerësuan këtë aktivitet për rëndësinë që ka në përmirësimin e dialogut mes komuniteteve në Kosovë duke theksuar se komunikimi në mes të institucioneve, bashkësive fetare, shoqërisë civile dhe mediave është i domosdoshëm për promovimin e një dialogu të mirëfilltë.

Ky diskutim do të rezultojë në një dokument të politikave i cili do të trajtojë temën e lirisë fetare dhe dialogut ndërkomunitar.

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori