I përballur me kritika për veprimet e tij të ashpra në Uashington, presidenti amerikan Donald Trump kundërshtoi, duke thënë: "Shumë njerëz po thonë, 'Ndoshta na pëlqen një diktator'".
"Unë nuk jam diktator. Jam një njeri me shumë logjikë të shëndoshë", këmbënguli ai menjëherë pas kësaj, transmeton Telegrafi.
Trump gjithashtu përsëriti kërcënimin e tij për të vendosur trupa të Gardës Kombëtare në Çikago, dhe nënshkroi urdhra ekzekutivë për për të gjithë ata që djegin flamurin.
Komentet e Trump erdhën mes një shtytjeje nga administrata e tij për të goditur krimin në kryeqytetin e vendit, duke përfshirë përdorimin e Gardës Kombëtare.
Kritikët kanë paralajmëruar se përpjekjet pasqyrojnë ato që shihen në vendet nën diktatura.
Gjithashtu të hënën, Trump nënshkroi një urdhër ekzekutiv që i drejtonte Sekretarit të Mbrojtjes, Pete Hegseth të krijonte njësi të specializuara të Gardës Kombëtare në Uashington, D.C. dhe në të gjithë vendin të trajnuara për të trajtuar "çështjet e rendit publik".
Presidenti Trump po fliste me gazetarët ndërsa nënshkroi urdhra të rinj ekzekutivë në lidhje me krimin të hënën në mëngjes, përpara se të merrte pyetje nga gazetarët.
Pavarësisht reagimeve negative ndaj goditjes së tij në D.C., Trump këmbënguli se qasja e tij është popullore. Ai e krahasoi atë me debatet mbi atletët transgjinorë, një tjetër çështje përçarëse që ai e trajtoi gjatë zgjedhjeve të vitit të kaluar. /Telegrafi/
