Ish-presidenti amerikan, Donald Trump, do të paditet për një pagesë që ia ka bërë një ylli të pornografisë, në këmbim të heshtjes, para zgjedhjeve presidenciale të vitit 2016.
Detajet e rastit kundër tij, ende nuk janë bërë të ditura.
Një juri e madhe ka votuar për ta paditur atë, pas hetimit të pagesës prej 130.000 dollarëve për Stormy Daniels-in, në përpjekje e sipër për të blerë heshtjen e saj, për një aferë të supozuar.
E ashtuquajtura juri e madhe përbëhet prej një grupi të qytetarëve, të cilëve ligji u jep autoritet për të hetuar shkeljet e mundshme penale të një pandehuri dhe të vlerësojnë nëse duhet ndëshkuar ai.
Trump, 76-vjeçar, mohon çdo keqbërje.
Ai është ish-presidenti i parë amerikan që përballet me padi penale, shkruan Rel.
Prokurori i qarkut Manhatan në Nju Jork, Alvin Bragg, i cili i ka kryer hetimet, e ka konfirmuar që e ka kontaktuar avokatin e Trumpit, për të “koordinuar dorëzimin e tij”, për akuzat e paspecifikuara.
Ish-presidenti amerikan, që tani jeton në Florida, pritet të udhëtojë të hënën në Nju Jork dhe të paraqitet në gjykatë të martën, kanë thënë dy burime të njohura me këtë rast për transmetuesin amerikan CBS.
Pikat e padisë do t’i lexohen atij në gjykatë, e cila pritet të zgjasë 10-15 minuta.
Shërbim Sekret i Shteteve të Bashkuara – i cili ka për obligim që të mbrojë presidentin aktual dhe ish-presidentët tjerë – do të angazhohet për sigurinë gjatë paraqitjes së Trumpit në gjyq.
Trump aty mund të japë shenjat e gishtërinjve dhe t’i bëhen fotografitë, sikurse të gjithë të pandehurve të tjerë për rastet penale.
Përmes një deklarate, Trump e ka kritikuar prokurorin e Manhatanit.
Ai e ka quajtur prokurorin një “trup” dhe e ka akuzuar se po e bën “punën e ndyrë të Joe Bidenit”.
“Demokratët kanë gënjyer, mashtruar dhe kanë vjedhur, në obsesion e sipër për ta ‘zënë Trumpin’, mirëpo tani e kanë bërë atë që është e paimagjinueshme – e kanë paditur një person plotësisht të pafajshëm, përmes një akti të ndërhyrjes flagrante në zgjedhje”, ka thënë ai.
Trump i ka kritikuar vazhdimisht hetimet që janë bërë në Nju Jork si “gjueti shtrigash”, të cilat udhëhiqen prej kundërshtarëve të tij.
Prokurori Bragg, i cili është i regjistruar si demokrat, e ka hedhur poshtë mundësinë e përfshirjes së politikës në rastin kundër Trumpit.
“Ne i vlerësojmë rastet në bazë në fakteve juridike, ligjit dhe dëshmive”, ka thënë ai më herët gjatë këtij muaji.
Avokatja e Trumpit, Susan Necheles, ka thënë përmes një deklarate se ai nuk ka bërë asnjë krim.
“Ne do ta luftojmë këtë ndjekje politike në gjykatë”.
Hetimet kanë në thelb dyshimet që Trump e ka urdhëruar ish-avokatin e tij, Michael Cohen për ta paguar Stormy Danielsin, ish-aktore e pornografisë, më pak se dy javë para zgjedhjeve të vitit 2016, ashtu që ajo të mos flasë për aferën e dyshuar me Trumpin.
Daniels ka thënë se ka pasur aferë seksuale me Trumpin më 2006 – një vit pas ai është martuar me gruan e tij aktuale, Melania.
Cohen ka thënë në gjykatë se e ka bërë pagesën prej 130.000 dollarëve “në koordinim dhe urdhër” të ish-presidentit.
Cohen është burgosur në periudhën 2018-2020 për akuza të ndryshme.
Pas padisë, Danieles i ka falënderuar mbështetësit e saj.
“Kam aq shumë mesazhe dhe nuk mund t’iu përgjigjem të gjithëve… po ashtu nuk dua të hap shampanjën”, ka thënë ajo përmes një postimi në Twitter.
Ky rast penal mund të ndikojë në zgjedhjet presidenciale të vitit 2024 në Shtetet e Bashkuara.
Trump është duke garuar për të fituar nominimin e republikanëve për një mandat të dytë në Shtëpinë e Bardhë.
Në SHBA nuk ekziston asnjë ligj që ia parandalon një kandidati, që është shpallur fajtor për një krim, të garojë apo të shërbejë si president – qoftë edhe prej burgut.
Ndaj Trumpit – i cili ka shërbyer si president në periudhën 2017-2021 – Dhoma e Përfaqësuesve pati nisur dy herë procedurat për shkarkim.
Mirëpo, ai është shfajësuar dy herë nga Senati. /REL/
Lufta Prigozhin - Putin
Më shumëPublikohen videot intime në zyre të ushtarakut ukrainas - ai po kërkohet për tradhti kombëtare në Kiev
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja
Ukrainasit rrëzojnë aeroplanin ushtarak rus që kushton gati 80 milionë euro
Putin me deklaratë qesharake: Jemi sulmuar, prandaj po luftojmë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles
Rasti i pazakontë në Kroaci - pensionisti zbret nga një ndërtesë, por jo përmes shkallëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes