Tri ndeshje, tri fitore – me triumfin ndaj Spezias, vazhdon rrugëtimi i mirë i Milanit

Milani e ka regjistruar edhe fitoren e tretë sezonale nga po aq ndeshje të zhvilluara në Serie A. Rossonerët fituan përballë Spezias me rezultat 3-0.

Gjysma e parë nuk prodhoi shumë mundësi shënimi, ndërsa rastin më të mirë e pati Daniele Verde për Spezian në minutën e 45-të, por Gianluigi Donnarumma bëri pritjen vendimtare.

Rezultati u zhbllokua në minutën e 57-të, kur pas një harkimi të Hakan Calhanoglu nga gjuajtja e lirë, Rafael Leao reagoi në zonë për të shënuar.

Goli i dytë erdhi nga Theo Hernandez, i cili rrëmbeu një top nga mesi i fushës dhe shkoi drejt sulmit për të shënuar (76’).

Dy minuta më pas,  Franck Kessie priti një top në zonë dhe ia ktheu Rafael Leaos, i cili shënoi golin e dytë personal (78’) dhe të tretin për Rossonerët.

Kjo ishte fitorja e tretë e Milanit në tri xhirot e para në Serie A dhe numëron nëntë pikë, po aq sa ka edhe Atalanta në krye të tabelës. Për Spezian, kjo ishte humbja e dytë në tri ndeshje, ndërsa ka regjistruar edhe një fitore. /Telegrafi/

https://twitter.com/OficialFutTT/status/1312804169259114496

📽️ GOOAL THEO HERNANDEZhttps://t.co/iLwoVn3qZn

— Milan Posts (@MilanPosts) October 4, 2020

https://twitter.com/IAmSaquon/status/1312809430271119361