Tri modele pantallonash dominuese për sezonin: Bëhuni gati për prerje të gjera dhe elegancë të shkujdesur

Këto modele pantallonash janë pa dyshim të domosdoshme për vjeshtën për të gjithë ata që i përmbahen stilit të mirë

Këtë sezon, tre modele specifike luajnë një rol kyç në skenën e modës.

Raftet e dyqaneve janë plot me versione të ndryshme të pantallonave dhe duke gjykuar nga stilet e trendeve të famshme të Instagramit, këto tre modele tashmë janë më të vlefshmet, transmeton Telegrafi.

Pantallonat cargo

Pantallonat komode cargo janë një trend që nuk do t’i shmangim dot, përveç stilimit të adhuruesve të modës, flet edhe oferta e tyre e pasur në raftet e markave të preferuara. Pantallonat me një detaj të dallueshëm të xhepave anash këmbëve krijojnë në çast një pamje të lezetshme, dhe siç është rasti me shumë tendenca aktuale në skenën e modës dhe këto arritën kulmin e popullaritetit në fillim të vitit 2000. Qoftë në ngjyrë jeshile, bezhë apo edhe model xhins, pantallonat cargo nuk duhet të mungojnë në gardërobën tuaj këtë sezon.

Pantallona të gjera

Qoftë me këmbë të gjera apo versione me bel të lartë, të ashtuquajturat pantallona “biznes” janë rikthyer në shumicë. Dashamirët e modës pëlqejnë t’i veshin ato me modele këpucësh në modë, si dhe me copa bazë si bluza të thjeshta dhe nuk mungojnë versionet interesante të këtyre pantallonave të njohura në raftet e dyqaneve.

Pantallona me bel të ulët

Edhe pse vitet e fundit janë dominuar plotësisht nga detaji me belin e lartë në modele të ndryshme pantallonash, cikli i industrisë së modës ka rezultuar në rikthimin e belit të ulët. Në frymën e estetikës Y2K, të cilën shumë zonja janë përpjekur ta arrijnë javët e fundit, pantallonat me bel të ulët, ashtu si në fillim të viteve 2000, vishen me copa si crop-top që zbulojnë stomakun dhe ijët. /Telegrafi/