LAJMI I FUNDIT:

Treska, “Çernobilli” i Shkupit

Treska, “Çernobilli” i Shkupit

Objektet e rrënuara në Kompleksin turistik Treska të japin përshtypjen e një lokacioni të braktisur. Ndonëse është e hapur për qytetarët, përveç bukurive të natyrës, ata nuk marrin as një shërbim. E vetmja që mund të marrin janë infeksionet nga uji i kontaminuar i liqenit artificial. Vizitorët thonë se autoritetet e kanë lënë në harresë, duke e shndërruar atë në një “Çernobill” të Shkupit.

“Po ka nevojë të investohet diçka këtu se është një vend i mrekullueshëm. Kanë lënë shumë gjëra në harresë, jo vetëm këtu, por kemi shumë vende të mira që duhet të investohet, por i kanë harruar.”

“Vendi është shumë i mirë, por dëm që vetë qeverisja lokale nuk ka ide sesi ta bëj funksional këtë lokacion. Këtu mund të bëhet zona për të luajtur, restorante, skena për argëtim dhe shumë gjëra tjera për rekreacion, por gjynah që mbetet e pa shfrytëzuar”- theksuan qytetarët e intervistuar për Alsat.

Në skajin ku janë të vendosura kamp shtëpizat, qiramarrësit mundohen ta mirëmbajnë vetë edhe ambientin. Ndërsa godinat përreth kanë pamje trishtuese, të cilat janë bërë çerdhe për kafshët.

“Vendi është i braktisur, deri para 20 viteve këtu tek liqeni kisha edhe kamp shtëpizë. Këtu kishte shitore, lodra për fëmijë, por kjo ishte para dy dekadave, tani është mjerisht e braktisur”.

“Realisht, këto 15 vitet e fundit është hera që e vizitoj sivjet. Është vend i mirë dhe gjynah më lënë kështu, unë e mbaj mend si fëmijë që ka qenë një vend shumë i pëlqyer por tash me vjen keq që komuna e lë në dorë të askujt këtë vend”- u shprehën disa qytetarë të tjerë.

Nga Qyteti i Shkupit thonë se për këtë lokacion kompetent është Komuna e Sarajit dhe se sipas tij Qeveria dhe Komuna duhet të gjejnë investitorë për Treskën.

“Liqeni i Treskës sipas vendimit të Qeverisë është shpallur si zonë turistike, për të cilën siç e di unë, ndërmjet Qeverisë dhe Komunës së Sarajit është arritur një ujdi për të bërë një investim më serioz. Ai projekt është në fazën e përpunimit që pastaj t’i hapet mundësia zbatimit, me të cilin do ta pasurojmë Liqenin artificial dhe rrethinën.”- deklaroi Petre Shilegov, kryetar i Bashkisë së Shkupit

Nga Komuna e Sarajit e quajnë arritje nëse plani urbanistik përfundohet gjatë verës, për t’i hapur rrugën investimeve kapitale në këtë kompleks. Kreu i Komunës Blerim Bexheti nuk zbuloi detaje sesa është kostoja që të rimëkëmbë këtë atraksion turistik dhe nëse do ta administrojnë si vetëqeverisje lokale, a do të menaxhohet me partneritet publiko-privat apo do ta japin me koncesion tërësisht tek privati.

“Në bashkëpunim me Agjencinë për Turizëm dhe Ministrinë e Ekonomisë planifikimet janë që të shpallet zonë e lirë turistike. Plani urbanistik është diku ka fundi, do të thotë është çështje muajsh: 1, 2 ose maksimum deri në 3 muaj pres që të përfundoj e tërë procedura dhe të miratohet plani urbanistik, pastaj edhe pjesa juridike e këtij projekti”- tha Blerim Bexheti, kryetar i Komunës së Sarajit

Përderisa, autoritetet shprehen se angazhohen për të rikthyer në atraksion turistik Kompleksin Treska dhe presin që të gjejnë mjete për investime kapitale, qytetarët nuk presin. Ata bëjnë piknik pothuajse çdo ditë të kësaj stine, madje edhe duke bërë not në Liqe, ku uji është i ndotur katër herë më shumë se e lejuara./alsat/

Në trend Lajme

Më shumë
Ambasadori Martin Berishaj përfundon deklaratën në Speciale, deklarohet avokati Gashi

Ambasadori Martin Berishaj përfundon deklaratën në Speciale, deklarohet avokati Gashi

Lajme
Deklarohet ministrja Gorçeviq, Mali i Zi do ta përkrahë në fazën finale anëtarësimin e Kosovës në Këshill të Evropës

Deklarohet ministrja Gorçeviq, Mali i Zi do ta përkrahë në fazën finale anëtarësimin e Kosovës në Këshill të Evropës

Lajme
Gërvalla pritet në një mënyrë të veçantë në Kalabri, fëmijët këndojnë në gjuhën shqipe

Gërvalla pritet në një mënyrë të veçantë në Kalabri, fëmijët këndojnë në gjuhën shqipe

Lajme
BE: Zbatim i plotë i Marrëveshjes Bazë, pavarësisht vendimit në Këshillin e Evropës

BE: Zbatim i plotë i Marrëveshjes Bazë, pavarësisht vendimit në Këshillin e Evropës

Lajme
Euro bie sërish në tregun valutor në Shqipëri, arrin në nivelet më të ulëta vjetore

Euro bie sërish në tregun valutor në Shqipëri, arrin në nivelet më të ulëta vjetore

Lajme
E detyruan të miturën të punonte si valltare dhe të ofronte shërbime seksuale, aktakuzë ndaj dy personave në Prizren

E detyruan të miturën të punonte si valltare dhe të ofronte shërbime seksuale, aktakuzë ndaj dy personave në Prizren

Drejtësi
Kalo në kategori