Trajneri Ben Davison: Joshua e arriti fitoren, por është “kopje e dobët e Tyson Furyt”

Trajneri i Tyson Fury, Ben Davison e ka etiketuar Anthony Joshua një “kopje e dobët e Furyt”, pasi fitores së tij kundër Andy Ruiz Jr të shtunën në mbrëmje.

Pas humbjes së tij shokuese në Madison Square Garden në qershor, Joshua mundi Ruiz me vendim unanim në Arabinë Saudite për të rikthyer titujt e peshave të rënda botërore në WBA, WBO, IBF dhe IBO.

Joshua adoptoi një qasje më të zgjuar duke punuar përdorur lëvizje të shpejta për të mbajtur distancën midis vetes dhe Ruizit.

Lexo po ashtu Reagimi i Wilderit pas fitores së Joshuas: Kurrë nuk do të ketë meç mes nesh, unë jam i rrezikshëm dhe nuk ik nëpër ring

Plani i tij pati sukses pasi dy gjyqtarë e favorizuan me pikë 118-110, ndërsa tjetri dha një verdikt prej 119-109, të gjithë në favor të Joshua.

Britaniku është kritikuar shumë nga Deontay Wilder për taktikat që përdori, por ndërsa Davison i ka dhënë më shumë merita 30-vjeçarit, ai ka theksuar se Joshua kurrë nuk do të jetë në gjendje të përsëris stilin e të njëjtit nivel si Fury.

“Performancë e mirë, ai shtoi një anë tjetër në lojën e tij, bëri atë që duhej të bënte, fitoi e cila ishte gjëja më e rëndësishme”, ka thënë fillimisht Davison për iFL TV.

“Kjo është pikërisht ajo që ai duhej të bënte. Ishte pothuajse, jo në një mënyrë të tmerrshme, por ishte si një “kopjet e dobët e Tyson Furyt”, apo jo?”.

Lexo po ashtu Pesë kundërshtarët e mundshëm të Joshuas - Nga Wilder te Ruiz

“Kjo nuk është një mënyrë e keqe sepse, siç e dini, padyshim që ai nuk mund ta bëjë atë në nivelin e Furyt, por ishte taktikë dhe ai e bëri mirë”.

“Ishte një luftë 50-50 dhe ai doli me fitore, kështu që ishte një paraqitje e mirë”, përfundoi trajneri i Furyt. /Telegrafi/